Республикæ Хуссар Ирыстоны Президенты бынатмæ кандидаттæн паддзахадон æвзæгты зонындзинæдтæ сбæлвырд кæныны фæдыл Республикæ Хуссар Ирыстоны Лингвистикон къамисы тыххæй
Закъондæттынады згъуыд аиуварс кæныны æмæ Республикæ Хуссар Ирыстоны Конституцийы 48-æм статьяйы 1-æм хайы æмæ Республикæ Хуссар Ирыстоны Президенты бынатмæ кандидатты паддзахадон æвзæгты зонындзинæдтæ сбæлвырд кæныны тыххæй «Республикæ Хуссар Ирыстоны Президенттæм æвзæрстыты тыххæй» Республикæ Хуссар Ирыстоны Конституцион закъоны 1-æм статьяйы 2-æм пункты уагæвæрдтæ сæххæст кæныны нысанæн уынаффæ кæнын:
- Фидар æрцæуæд, Республикæ Хуссар Ирыстоны Президенты бынатмæ кандидатты паддзахадон æвзæгты зонындзинад бæлвырдгæнæг къамис кæй аразы Республикæ Хуссар Ирыстоны Централон æвзарæн къамис.
- Республикæ Хуссар Ирыстоны Централон æвзарæн къамис 2017 азы 30-æм январы æмгъуыдмæ сфидар кæнæд Республикæ Хуссар Ирыстоны Лингвистикон къамисы Уагæвæрд æмæ къамисы сконд.
- Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны
Президент ТЫБЫЛТЫ Леонид
Цхинвал,
2017 азы 23 январь
Comments are closed, but trackbacks and pingbacks are open.