Республикæ Хуссар Ирыстоны Президенты Барамынд

«Литературæ, аивад, публицистикæ, ирон филологи æмæ историон зондæты фадыджы Хетæгкаты Къостайы номыл Паддзахадон премийы тыххæй»

Республикæ Хуссар Ирыстоны Конституцийы (Сæйраг закъон) 51-æм статьямæ гæсгæ уынаффæ кæнын:

1. «Хетæгкаты Къостайы номыл Паддзахадон премийы тыххæй» Республикæ Хуссар Ирыстоны Президенты 2009 азы 6-æм октябры Барамынды 2-æм пункты цыппæрæм абзац фыст æрцæуæд ахæм редакцийæ:

«Республикæ Хуссар Ирыстоны Президенты цур литературæ, аивад, публицистикæ, ирон филологи æмæ историон зонæдты фадыджы Хетæгкаты Къостайы номыл Паддзахадон премийы тыххæй Уагæвæрд»

2. Фидар æрцæуæд:

а) Литературæ, аивад, публицистикæ, ирон филологи æмæ историон зонæдты фадыджы Хетæгкаты Къостайы номыл Паддзахадон премийы тыххæй Уагæвæрд;

б) Литературæ, аивад, публицистикæ, ирон филологи æмæ историон зонæдты фадыджы Хетæгкаты Къостайы номыл Паддзахадон преми райсыны тыххæй авторон уацмыстæ æрбавдисыны фæтк;

в) Республикæ Хуссар Ирыстоны Президенты цур литературæ, аивад, публицистикæ, ирон филологи æмæ историон зонæдты фадыджы Хетæгкаты Къостайы номыл Паддзахадон премийы фæдыл Къамисы сконд.

3. Литературæ, аивад, публицистикæ, ирон филологи æмæ историон зонæдты фадыджы Хетæгкаты Къостайы номыл Паддзахадон преми радон хатт радтын баст æрцæуæд 2019 азы Хетæгкаты Къостайы райгуырды 160 азы юбилейон бонимæ.
4. Сæ тыхы мауал уæд:

Республикæ Хуссар Ирыстоны Президенты 2009 азы 6 октябры райсгæ Барамынды 1-æм пункты дыккаг, æртыккаг æмæ фæндзæм абзацтæ;

«Хетæгкаты Къостайы номыл Паддзахадон премийы тыххæй»  2009 азы 6-æм октябры райсгæРеспубликæ Хуссар Ирыстоны Президенты райсгæ Барамындмæ «Ивындзинæдтæ æмæ уæлæмхасæнтæ бахæссыны тыххæй» Республикæ Хуссар Ирыстоны Президенты 2014 азы 14-æм июлы Барамынды 1-æм пункты «б» дæлпункт;

«Хетæгкаты Къостайы номыл Паддзахадон премийы тыххæй» 2009 азы Республикæ Хуссар Ирыстоны Президенты 2009 азы 6-æм октябры Барамындмæ «Ивындзинæдтæ æмæ уæлæмхасæнтæ бахæссыны тыххæй» июлы Республикæ Хуссар Ирыстоны Президенты 2014 азы 14-æм июлы Барамынды 1-æм пункты «в» дæлпункты дыккаг, æртыккаг æмæ фæндзæм абзацтæ.

5. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны

Президент    БИБЫЛТЫ Анатоли

г.Цхинвал,

2018 азы 9 июль

 

 

 

ЛИТЕРАТУРÆ, АИВАД, ПУБЛИЦИСТИКÆ, ИРОН ФИЛОЛОГИЙЫ ÆМÆ ИСТОРИОН ЗОНÆДТЫ ФАДЫДЖЫ  ХЕТÆГКАТЫ КЪОСТАЙЫ НОМЫЛ ПАДДЗАХАДОН ПРЕМИЙЫ ТЫХХÆЙ УАГÆВÆРД

1. Литературæ, аивад, публицистикæ, ирон филологийы æмæ историон зонæдты фадыджы Хетæгкаты Къостайы номыл Паддзахадон премии (дарддæр –преми) лæвæрд цæуы Республикæ Хуссар Ирыстоны культурæйы литературæ, аивад, публицистикæй, ирон филологи æмæ историон зонæдты фадыджы стыр сфæлдыстадон æнтыстыты æмæ зынгæ хайбавæрды тыххæй.
2. Преми 350 мин сомы бæрц лæвæрд цæуы фондз азы иу хатт алкæцы здæхты дæр.
3. Преми лæвæрд цæуы Республикæ Хуссар Ирыстоны Президенты Барамындмæ гæсгæ Хетæгкаты Къостайы номыл Паддзахадон премийы фæдыл литературæ, аивад, публицистикæ, ирон филологийы æмæ историон зонæдты фадыджы Республикæ Хуссар Ирыстоны Президенты цур Къамисы (дарддæр –Къамис) бавдыстмæ гæсгæ
4. Премитæ лæвæрд цæудзысты Хетæгкаты Къостайы райгуырды боны цытæн (15 октябрь).
5. Преми райсынмæ бавдыст цæуынц оригиналон авторон уацмыстæ, кæд æмæ уыдон арæзт æмæ æхсæнады размæхаст æрцыдысты (мыхуыр, æвдыст, арæзт æрцыдысты æмæ афтæ дарддæр) фæстаг преми радтыны размæ азы 1-аг июнæй преми райсыны 1-аг июнмæ.
6. Премитæ райсынмæ бавдыст кандидатты раразмæ кæнынц сфæлдыстадон цæдистæ, ахуырадон æмæ зонадон уагдæттæ, культурæйы уагдæттæ, Республикæ Хуссар Ирыстоны культурæйы министрад æмæ Республикæ Хуссар Ирыстоны ахуырад æмæ зонады министрд.
7. Преми райсынмæ бавдыст коллектив, хъуамæ конд уа сæйраг автортæй æмæ æххæстгæнджытæй. Преми райсыны тыххæй коллективы скондмæ административон, консультативон кæнæ организацион куыст æххæстгæнæг адæймæгты бахæссæн нæй.
8. Преми райсыны тыххæй документтæ æмæ æрмæджытæ æвдыст цæуынц Къамисмæ преми дæттыны азы 1-аг августмæ. Къамис хæсджын у æхсæнадæн фехъусын кæна преми райсынмæ кандидаты тыххæй Къамисмæ документтæ æмæ æрмæджытæ лæвæрд куы æрцæуынц, уый хæдфæстæ.
9. Бавдисгæ документтæ æмæ æрмæджытæм æркæсыны фæстиуджытæм гæсгæ Къамис сусæг хъæлæс æппæрстæй æрæмбырдуæвджыты  бæлвырд кæны премийы лауреатты кандидаттурæты æмæ сæ бавдисы Республикæ Хуссар Ирыстоны Президентмæ премитæ радтыны тыххæй.
10. Преми райсæгæн лæвæрд æрцæуы « ____азы Хетæгкаты Къостайы номыл Паддзахаон премийы лауреат»-ы кадджын ном æмæ йын цытджын уавæры Республикæ Хуссар Ирыстоны Президент радты лауреаты диплом æмæ риуылдаргæ нысан.
11. Æхцайы лæвæр лауретæн лæвæрд æрцæуы сфидаргонд фæткмæ гæсгæ. Коллективæн преми дæтгæйæ, лауреатты дипломтæ æмæ майдантæ лæвæрд цæуынц авторон коллективы æппæт уæнгтæн, æхца та дих цæуы авторты æхсæн.
12. Преми æмæ æхца райсыны размæ лауреат куы фæзиан уа, уæд лауреаты диплом æмæ майдан  лæвæрд цæуы йæ бинонтæн, æхца та лауреаты бындартæн Республикæ Хуссар Ирыстоны архайгæ закъоны фæткмæ гæсгæ

 

 

ЛИТЕРАТУРÆ, АИВАД, ПУБЛИЦИСТИКÆ, ИРОН ФИЛОЛОГИЙЫ ÆМÆ ИСТОРИОН ЗОНÆДТЫ ФАДЫДЖЫ ХЕТÆГКАТЫ КЪОСТАЙЫ НОМЫЛ ПАДДЗАХАДОН ПРЕМИ РАЙСЫНМÆ АВТОРТЫ УАЦМЫСТÆ БАВДИСЫНЫ ФÆТК

1. Литературæ, аивад, публицистикæ, ирон филологийы æмæ историон зонæдты фадыджы Хетæгкаты Къостайы номыл паддзахадон премийы фæдыл Республикæ Хуссар ИрыстоныПрезиденты цур къамис (дарддæр къамис) æркæсынмæ исы æрмæстдæр авторон уацмыстæ, кæцытæ арæзт æмæ æхсæнадмæ æвдыст æрцыдысты (мыхуыр, æвдыст, арæзт æрцыдысты æ.а.д) фæстаг преми райсыны азы 1 июнæй ацы азы преми райсыны 1 июны онг.
2. Преми райсынмæ бавдыст чи кæны, уый авторон уацмыстæ æмæ документтæ Къамисмæ æрбадæттын хъæуы преми дæттыны азы 1 августмæ.
3. Къамисмæ текстон уацмыстæ æрбадæттын хъæуы фондз экземплярæй (литературæйы уацмыстæ оригиналы æвзагыл), музыкалон уацмыстæ клавирæйы (кæнæ партитурæйы) хуызы аудиомагнитафонон фыстимæ, нывкæнынады аивады уацмысты оригиналтæ, кино æмæ театралон сæвæрдтæ æмæ кино æмæ театры рольтæ Хетæгкаты Къостайы уацмысты мативтæм гæсгæ – профессионалон видеофыстæй.
4. Преми райсынмæ куыстытæ цы организацитæ раразмæ кодтой, уыдон къамисмæ куырдиæттæ хъуамæ бадæттой фыстæй, цыран нысан уыдзысты:

а) преми райсынмæ цы адæймаг æрцыд раразмæгонд, уый мыггаг, ном, фыды ном (паспортмæ гæсгæ);

б) бакæнгæ куысты ном, публикацийы рæстæг æмæ бынат (æххæст, æвдыст, эксплуатацимæ лæвæрд кæд æрцыд æ.а.д), куы бахъæуа, уæд нысан цæуы уацмысы бынат дæр;

в) уацмысæн аргъ кæнын, преми райсынмæ раразмæ кæныны хъуыды æмæ мотив.

Къамисы домæнмæ гæсгæ бавдыст цæуынц зонæнтæ, кæцытæ бæлвырд кæнынц уацмысы уæрæх æхсæнадон банымад.

5. Куырдиатимæ иумæ хъуамæ уой:

а) преми райсынмæ кандидаты чи раразмæ кодта, уыцы  организацийы къухдариуæггæнæг органы рабадты суагъæ;

б) кандидаты бæлвырдгæнæнтæ: мыккаг, ном, фыды ном, псевдоним, райгуырды аз, нацийы хатт, ахуырдзинад, дæсныйадмæ гæсгæ куысты стаж , кады æмæ ахуырады нысæнттæ, хорзæхтæ, куысты бынат æмæ цы куыст кæны, контактон бæрæггæнæнтæ, æртæ нывы; зонæнтыл къухтæ фыссынц кандидат æмæ йæ чи раразмæ кодта, уыцы организацийы къухдариуæггæнæг.

в) уацмысы цыбыр аннотаци сфæлдыстадон историйы изложениимæ  æмæ уый тыххæй сæйраг бæрæггæнæнтæ (рауагъды нымæц æмæ тираж, ролты, сæвæрдты æмæ равдыстыты нымæц æ.а.д.);

г) уацмыс æхсæнадæн æвдыст куы æрцыд (чиныджы, афишæйы рауагъд æмæ музыкалон уацмыс фыццаг хатт æххæст куы æрцыд,  уыцы боны тыххæй бæлвырдгæнæн   æ.а.д.), уый тыххæй бæлвырдгæнæн.

Къамисы куырдиатмæ гæсгæ бавдыст цæуы кандидаты сфæлдыстадон характеристикæ.

6. Куырдиат фыстæй æмæ йемæ цы æрмæджытæ ис, уыдон æрбадæттын хъæуы дыгай экземпляртæй æмæ кандидаты чи раразмæ кодта, уыцы организацийы фидаргондæй.

Кандидат чи раразмæ кодта, уыцы организацийæн йæ бон у уацмысæн æхсæнад цы аргъ скодта, уый фæдыл æрмæджытæ бавдиса къамисмæ, цалынмæ кандидаты тыххæй уынаффæ  нæ райстæуыд, уæдмæ.