Республикæ Хуссар Ирыстоны Хицауады Уынаффæ

Республикæ Хуссар Ирыстоны уæлдæр ахуырады ахуырадон организациты студенттæ æмæ профессионалон ахуырадон организациты студенттæн Республикæ Хуссар Ирыстоны Президенты стипендитæ снысан кæнын æмæ фидыны Фæтк сфидар кæныны тыххæй.

«Республикæ Хуссар Ирыстоны уæлдæр ахуырады ахуырадон организациты студенттæ æмæ профессионалон ахуырадон организациты студенттæн Республикæ Хуссар Ирыстоны Президенты стипендитæ нысан кæнын æмæ фидыны Фæтк сфидар кæныны тыххæй» Республикæ Хуссар Ирыстоны Президенты 2018 азы 16 майы №92-æм Барамынды бындурыл уынаффæ кæнын:

1. Фидар æрцæуæд Республикæ Хуссар Ирыстоны уæлдæр ахуырадон организациты студенттæ æмæ профессионалон ахуырадон организациты студенттæн Республикæ  Хуссар Ирыстоны Президенты стипендитæ нысан кæнын æмæ фидыны ацы Фæтк.

2. Ацы Уынаффæ йæ тыхы цæуы официалонæй йæ ныммыхуыр кæныны бонæй.

Республикæ Хуссар Ирыстоны Хицауады

 Сæрдар Пухаты Эрик

г. Цхинвал,

2018 азы 27 ноябрь

____________

РЕСПУБЛИКÆ ХУССАР ИРЫСТОНЫ УÆЛДÆР АХУЫРАДЫ АХУЫРАДОН ОРГАНИЗАЦИТЫ СТУДЕНТТÆН  ÆМÆ ПРОФЕССИОНАЛОН АХУЫРАДОН ОРГАНИЗАЦИТЫ СТУДЕНТТÆН РЕСПУБЛИКÆ ХУССАР ИРЫСТОНЫ ПРЕЗИДЕНТЫ СТИПЕНДИТÆ НЫСАН КÆНЫН ÆМÆ ФИДЫНЫ

Фæтк

1. Ацы Фæтк бæлвырд кæны, Республикæ Хуссар Ирыстоны уæлдæр ахуырады ахуырадон организациты студенттæ æмæ профессионалон ахуырадон организациты студенттæн, кæцытæ ахуыр кæнынц бонæй, Республикæ Хуссар Ирыстоны Президенты  стипендитæ (дарддæр – стипендитæ) нысан кæнын æмæ фидыны фæтк.

2. Стипендитæ нысан цæуынц уæлдæр æмæ профессионалон ахуырады ахуырадон программæтæм гæсгæ ахуырадон архайд æххæстгæнæг æмæ паддзахадон аккредитаци кæмæ ис, уыцы организациты (дарддæр – ахуырадон архайд æххæстгæнæг организацитæ) студенттæ. Стипендитæ нысан цæуынц афæдз дыууæ хатты – алы ахуыры семестры.

3. Стипендитæ нысан цæуынц ацы Фæткы 4-æм пункты амынд æвзарæн критеритæ æмæ стипендитæн квотæтæм гæсгæ студенттæй претенднттæ равзарыны фæстиуæгæн.

4. Фидар цæуынц стипендитæ снысан кæнынмæ претенденттæ æвзарыны ахæм критеритæ:

а) уæлдæр ахуырады ахуырадон программæтæм гæсгæ чи ахуыр кæны уыцы претенденттæн, кæцытæн æхсæйнаг аттестациты фæстиуджытæм гæсгæ нысæнтты иумæйаг нымæцæй «иттæг хорз» нысæнттæ 85 процентæй къаддæр нæй. Нысæнттæ нымад цæуынц стипендитæ снысан кæныны агъоммæ азæн, æмæ сын ма хъуамæ уа «рæстæмбис» нысæнттæ. Уыимæ сын хъуамæ уа зынгæ æнтыстытæ зонад-иртасæн, сфæлдыстадон архайды, ма сын уа академион хæстæ æппæт ахуыры рæстæджы, уа сын цæвиттойнаг уагахаст;

б) профессионалон ахуырады ахуырадон программæтæм гæсгæ чи ахуыр кæны, уыцы претенденттæн, кæцытæн æхсæйнаг аттестациты фæстиуджытæм гæсгæ нысæнтты иумæйаг нымæцæй «иттæг хорз» нысæнттæ 85 процентæй къаддæр нæй. Нысæнттæ нымад цæуынц стипендитæ снысан кæныны агъоммæ семестрæн æмæ дзы ма хъуамæ уа «рæстæмбис» нысæнттæ. Уыимæ сын хъуамæ уа зынгæ æнтыстытæ зонад-иртасæн, сфæлдыстадон архайды, ма сын уа академион хæстæ æппæт ахуыры рæстæджы, уа сын цæвиттойнаг уагахаст;

в) студенты конкурсы, ерысы, æндæр мадзалы уæлахиздзауыл банымайын, кæцы здæхт у ахуыры æнтыстытæ раргом кæнынмæ æмæ уагъд æрцыд стипенди снысан кæныны агъоммæ иу-дыууæ азы рæстæджы;

г) стипенди снысан кæныны агъоммæ дыууæ азы дæргъы студент номыл стипенди куы иса.

д) студенттæн стипендитæ снысан кæныны агъоммæ иу азы дæргъы публикацитæ куы уа зонадон (ахуырадон-зонадон, ахуырадон-методикон) ведомствæйон рауагъды;

е) æндæр ахæм мыхуыр æрмæджытæ банысангонд æмгъуыды, зонад-иртасæн куысты фæстиуджытæ, уыцы нымæцы докладимæ ралæудтытæ дунеон кæнæ ведомствæйон конференцийы, семинары, æндæр æмбæлон æмвæзады мадзалы.

5) Стипенди снысан кæнынмæ претенденттæ хъуамæ дзуапп дæттой ацы Фæткы 4-æм пункты «а» æмæ «б» дæлпунктты амынд критеритæн æмæ ацы Фæткы 4-æм пункты «в» – «е» дæлпунктты амынд иу кæнæ цалдæр критеритæн.

6. Стипенди чи райса, уый исдзæн паддзахадон академион стипенди дæр.

7. Квотæтæ фидар цы азæн цæуынц, уыцы азы стипенди райсыны тыххæй студентты кандидатты нымæц 1 октябрмæ цас у, уый фæдыл информаци дæттын хъæуы II-аг семестрæн 20 ноябрмæ æмæ I-аг семестрæн та 20 февралмæ Республикæ Хуссар Ирыстоны Паддзахадон бюджеты фæрæзтыл сæйраг бардарæгмæ, кæнæ та ахуырадон архайд æххæстгæнæг организацийы дæлбаруæвæг бындурæвæрæгмæ.

8. Ахуырадон архайд æххæстгæнæг организацитæ:

а) бæлвырд кæнынц стипенди снысан кæнынмæ претенденттæ æвзарыны фæтк, ахуыры курс нымайгæйæ æмæ хистæр курсыты чи ахуыр кæнынц, уыдонæй фылдæр æвзаргæйæ, афтæ ма аразынц экспертон къамис стипендитæ снысан кæнынмæ претенденттæ æвзарыны тыххæй;

б) æвзары претендентты ацы Фæткы 4-æм пункты амынд критеритæм гæсгæ, аразынц стипендитæ снысан кæнынмæ претендентты номхыгъд;

в) экспертон къамисы уынаффæйы бындурыл 20 апрелмæ бардзырдтæ лæвæрд цæуынц стипендитæ снысан кæныны тыххæй æмæ сын халдихтæ æртæ боны æмгъуыдмæ æрвитынц Республикæ Хуссар ирыстоны Паддзахадон бюджеты фæрæзтыл сæйраг бардарæгмæ, кæнæ та ахуырадон архайд æххæстгæнæг организацийы дæлбаруæвæг бындурæвæрæгмæ.

Стипендитæ снысан кæнынмæ претенденттæ æвзарыны тыххæй экспертон къамисы скондмæ конд цæуынц ахуырадон архайд æххæстгæнæг организациты æххæстбарджын минæвæрттæ, ахуырадон архайд æххæстгæнæг организациты разамынады коллегионалон органты минæвæрттæ, ахуырадон архайд æххæстгæнæг организациты зонадон-педагогон кусджытæ.

9. Стипендитæ снысан кæнынмæ претендентты номхыгъдмæ хаст студенттæ ацы Фæткы 8-æм пунктмæ гæсгæ нæй гæнæн æмæ уыцыиу рæстæджы хаст æрцæуой номыл стипендитæ снысан кæнынмæ претендентты номхыгъдмæ.

10. Студенттæн стипендитæ фиды ахуырадон архайд æххæстгæнæг организаци, цыран ахуыр кæнынц стипендианттæ.

11. Аивгъуыйгæ ахуыры азæн стипендитæ фидыны тыххæй æрвылаз дæр 1 октябрмæ хыгъд дæтты Республикæ Хуссар Ирыстоны Паддзахадон бюджеты фæрæзтыл сæйраг бардарæг, кæцыйы дæлбар сты ахуырадон архайд æххæстгæнæг организацитæ.