Бæстæйы истоион ном раздахыны тыххæй референдум ауадзыны фæдыл Барамындыл къух кæй æрфыстæуыд, уымæ гæсгæ РХИ-йы Паддзахадон æдасдзинады комитеты Ветеранты совет æххæстæй хæцы Республикæ Хуссар Ирыстоны Президент Тыбылты Леониды æвварс.
Ирон адæмы историон уидæгтæм сыхаг адæмтæ кæй ныхилынц, уыцы рæстæджы Республикæйæн йæ ном аивыны фарст хизы нæ паддазхады размæцыды процессы раззагдæр рæнхъытæм. Алкæмæндæр зындгонд у æмæ фидаргонд дæр у, ирæттæ кæй сты стыр Аланты фæстагæттæ, æмæ мах паддзахадæн кæд нæй Аланийы ном хæссыны бар, уæд ма кæмæн ис.
РХИ-йы Паддзахадон æдасдзинады комитеты ветеранты совет сиды уæрæх æхсæнадмæ, цæмæй æппæ-ты активондæр хайад райсой референдумы.
* * *
Республкæйы Паддзахадон æдасдзинады комитет 2016 азы июны диверсион-террористон архайды азымæвæрды тыххæй æрцахста Гиунашвили Георги Леуаны фырты, 1978 азы гуырд, Цхинвалы районы Дисеуы хъæуæй рацæугæ.
Фæдагуырд фæуыны фæстæ уголовон хъуыддаг азымгæнæн хатдзæгимæ æрвыст æрцыд РХИ-йы уæлдæр тæрхондонмæ процессуалон уынаффæ рахæссыны тыххæй.
Фæдысгарæн басгæрстыты фæстæ Гиунашвили Г.Л.-йы диверсион-террристон архайд бæлвырд æрцыд Республикæйы территорийыл. Республикæ Хуссар Ирыстоны Уæлдæр тæрхондоны рахæсгæ уынаффæйæ ацы аз 3-æм февралы Гуырдзыстоны æмбæстаг, 1978 азы гуырд Георги Леуаны фырт Гиунашвили нымад æрцыд аххосджыныл УФ-йы УК-ы 208-æм статья «Æнæзакъон гарзджын иугæндтæ аразын кæнæ дзы хайад исын», 205 статья «Террористон акт», 105 статья «Лæгмарыныл бафæлвæрд», 226 статья «Хæцæнгæрзтæ æмæ хæстон фæсауæрцтæ адавын», æмæ йын рахастæуыд 20 азы карздæр режимы ахæстоны фæбадыны тæрхон.
Ацы æрмæджытæ дæр бакæс:
Закон Республики Южная Осетия «Об обязательном экземпляре документов»
Паддзахадон Æдасдзинады комитеты кусджытæ банысан кодтой сæ профессионалон бæрæгбон
Ветеранты совет æруынаффæ кодта йæ бакæнгæ куыстыл æмæ равзæрста ног сæрдар
Паддзахадон æдасдзинады комитет æнтыстджынæй æххæст кæны йæ разылæууæг хæстæ
Горæт Цхинвалы Ветеранты советы конференци
Comments are closed, but trackbacks and pingbacks are open.