Лагерь «Азбука безопасности и выживания-2017»-йы, кæцы организаци æрцыд Абхазы Хуссар æфсæддон зылды æфсæддон базæйы, æмæ йæ хайадисджытæ сты, уыцы нымæцы, Хуссар Ирыстоны минæвæрттæ дæр, бабæрæг кодтой Уæрæсейы практикон æхсты федерацийы раззагон инструктортæ.

Хуссар æфсæддон зылды пресс-службæйы хистæр Вадим Астафьев куыд фехъусын кодта, уымæ гæсгæ фæсивæды дунеон æфсæддон-патриотон æмбырды планон мадзæлттæ ауадзыны фæлгæтты, тагъдыл æхсты специалисттæ æмбырды хайадисджытæн ауагътой семинар тактикон æмæ практикон æхстæй, скъоладзаутæн равдыстой æмæ  радзырдтой спортивон æхсæнгæрзты 9 иуæджы, уыцы нымæцы пистолеттæ «Викинг», «ГШ-18» æмæ «GIock»-ы тыххæй дæр.

«Баиугæнды сæ уæвынады кæ-рон практикон æхсты фæдыл инструктортæ ауагътой мастер-кластæ, стрессон уавæрты чысыл гуырахстджын  æмæ змæлгæ нысæнтты  хъомысджын  хæцæнгæрзтæй тагъдыл æмæ раст æхсынæй. Равдыстой сын, фæлтæрæнтæ куыд æххæст кæнын хъæуы, уый, кæцытæ сты практикон æхсты фæдыл ерысты программæйы. Парктикон æхст у æхсгæ спорты хуыз, кæцыйы нысан у амæлттæ  (прием) сахуыр кæнын, кæцытæ уæлдай тынгдæр дзуапп дæтынц æхсæг хæцæнгарзæй спайда кæныны алыгъуызон уавæртæн. Абоны бонмæ уый у дунейы бирæ сæрмагонд дæлхæйтты спорты хуыз», — радзырдта Вадим Астафьев.

Фæсивæды дунеон æфсæддон-патриотон æмбырд «Азбука безопасности и выживания-2017» уагъд цæуы Абхазы 16 — 28 августы. Сæрдыгон лагеры хайадисджытæ сты 200 лæппуйы æмæ чызджы Уæрæсе, Абхаз æмæ Хуссар Ирыстонæй, 12 азæй 17 азы онг кæуыл цæуы, ахæмтæ, кæцытæ æвзæрст æрцыдысты мадзалы размæ.

Æмбырды программæйы хынцыд æрцыд теоретикон ахуырты æмæ алыгъуызон здæхтыты мадзæлтты 14-бонон курс, цыран кæрæдзи ивынц физикон ахуыртæ æмæ интеллектуалон хæслæвæрдтæ.

Сборты нысан у, æфсадмæ æр-сидыны размæ фæсивæды æфсæддон-спортивон цæттæдзинад, хæлардзинадыл хъомыл кæнын æмæ алы бæстæты æмкарæнты ‘хсæн кæрæдзиæмбарынад ифтонг кæныны.

Comments are closed, but trackbacks and pingbacks are open.