Республикæ Хуссар Ирыстоны Фæсарæйнаг хъуыддæгты министрады хъусынгæнинаг «НАТО-Гуырдзыстон 2016»-ы ахуырты фæдыл
Рсепубликæ Хуссар Ирыстоны Фæсарæйнаг хъуыддæгты министрад æвдисы йæ тыхстдзинад 10-20 ноябрмæ нысангонд чи у, «НАТО-Гуырдзыстон 2016»-ы уыцы ахуырты охыл. Цы ахуыртæ уадзинаг сты, уыдонæн сæ сæйраг хæстæ сты «Гуырдзиаг гарзджын тыхты æмархайд фæбæрзонддæр кæнын альянсы æмæ партнерон бæстæтимæ, афтæ ма разамынад æмæ хъусдарды амæлттæ фæтыхджындæр кæнын».
Хуссар Ирыстон фæдфæдылон æмæ æнаивгæйæ амыдта АИШ æмæ НАТО-йы æххуысæй Гуырдызстоны хæстон хъомыс кæй рæзы, уымæ æмæ сидти Альянсы бæстæтæм, цæмæй сæ къух сисой æнæраст къахдзæфыл, фæлæ, хъыгагæн, уыцы сидтытæ баззадысты æнæхъусдардæй æмæ æркодтой 2008 азы тыхæрбабырстмæ.
Гуырдзиаг политикты агрессивон раныхæстимæ иумæ, НАТО-йы ахуыртæн Гуырдзыстоны территоийыл мах аргъ кæнæм, куыд уавæр скарз кæныны ‘рдæм здæхт деструктивон архайдтытæ, уымæн æмæ азæй азмæ фылдæр кæны, цы æфсад æмæ дзы техникæ архайынц, уыдон нымæц, æмæ цыфæнды æфсон дæр ма хæссой, уæддæр бынтон æппæрццагæй æндавынц, регионы цы лæмæгъ сабырдзинад ис, ууыл.
«НАТО-Гуырдзыстон 2016»-ы ахуыртæ сты ирд æвдисæн, Цæгататлантикон альянс Гуырдзыстоны цы реваншистон фæндагыл лæуд у, уымæн, æмæ йын Фæскавказы регионы уавæр скарз кæныны хъуыддаджы йæ къух кæй аразы.
Ноджыдæр иу хатт мах сидæм Альянсы бæстæтæм, цæмæй ахъуыды кæной 2008 азы августы хæсты æппæт фæстиуджытыл, бахынцой регионы тыхты равæрды вазыгджын уавæр æмæ ма æруадзой, сæ фæстиуджытæ трагикон кæмæн уой æмæ срастгæнæн кæмæн нал уа, ахæм æнæрхъуыды архайдтытæ.
г. Цхинвал,
2016 аз 10 ноябрь
Comments are closed, but trackbacks and pingbacks are open.