РХИ-йы Хицауады сæрдар Джуссойты Константин ауагъта рабадт, цыран бæрæг æрцыд столицæ æмæ районты администрациты къухдариуæггæнæг сконды ивындзинæдты тыххæй.
Знауыры районы администрацийы сæргълæууæджы фыццаг хæдивæгæй нысан æрцыд 1977 азы гуырд Гатыгкоты Роман Владимиры фырт. Районы сæргълæууæджы ног хæдивæг каст фæцис дыууæ уæлдæр профессионалон ахуырадон уагдоны «менеджмент» æмæ «юриспруденциийы здæхтыты фæдыл. Уый размæ куыста Хуссар Ирыстоны æфсæддон структурæты, ис ын паддзахадон хорзæхтæ.
Дзауы районы та ахæм бынат бацахста 1973 азы гуырд Тедеты Альберт Петры фырт, йæ дæсныйадмæ гæсгæ у юрист. Уый размæ куыста РХИ-йы контролон-нымайæн палатæйы материалон-техникон ифтонгады хайады хистæрæй, хорзæхджын у паддзахадон хорзæхтæй.
Ленингоры районы администрацийы сæргълæууæджы фыццаг хæдивæгæй нысан æрцыд Девидзе Реваз Отары фырт.
Афтæ ма Хицауады уынаффæмæ гæсгæ сæ бынæттæй сæрибар æрцыдысты горæт Цхинвалы администрацийы сæргълæууæджы хæдивæг Джиоты Эндрик æмæ Дзауы районы администрацийы сæргълæууæджы фыццаг хæдивæг Цхуырбаты Вадим.
Уымæй дарддæр ма рабадты ист æрцыд уынаффæйы проект Мæргъиты Константин Зауыры фыртæн Хицауады номæй «Газпром-Хуссар Ирыстон»-ы иумиаг æмбырдты хайад райсыны бар радтыны тыххæй. Документы проект бацæттæ кодта РХИ-йы паддзахадон исад æмæ зæххы фæдыл ахастыты комитет, Гæбæраты Константин Вадимы фыртæн йе ‘ххæстбарты æмгъуыд кæй фæцис, уымæ гæсгæ.
Comments are closed, but trackbacks and pingbacks are open.