Æрæджы «Спутник — Хуссар Ирыстон»-ы дунеон пресс-центры Хуссар Ирыстоны æхсæнадон организаци «Союз российских граждан»-ы сæрдар Наталья Жуйкова æмæ организаци «Россы»-йы сæрдары хæдивæг Надежда Россохина информацион фæрæзтæн радзырдтой сæ куыст æмæ архайды тыххæй.

Наталья Жуйкова банысан кодта, зæгъгæ, сæ куыст  æнгом баст у «Россотрудничество» æмæ Хуссар Ирыстоны Уæрæсейы минæварадимæ. 2017 азы организацийы архайдæн фæстиуджытæ аразгæйæ, уый куыд радзырдта, афтæмæй «нæ сывæллæттæн æрвылаз дæр фадат ис квотæйы руаджы уæрæсейаг уæлдæр ахуыргæнæндæтты ахуыр кæнынæн, хайад райсынц æмфыдыбæстæйонты æппæтдунеон хъæзтыты, форумты, олимпиадæты, викторинæты æмæ æн-дæр мадзæлтты». Уæрæсейы минæварад æмæ «Россотрудничество»-йæ, зæгъгæ, уый тыххæй стæм  тынг бузныг.

Уымæй дарддæр ма нæ æмфыдыбæстæйонтæй 35 азы онг кæуыл цæуы, уыдон æрвылаз дæр æрвыст цæуынц Мæскуымæ æвзонг лидеры скъола-мæ. Наталья ма дзырдта организаци «Россы»-имæ иумиаг архайдыл.

«Уыдонимæ æппæт мадзæлттæ уадзæм иумæ. Зонад æмæ культурæйы уæрæсейаг центры нæ æмфыдыбæстæйонтæ æрæмбырд вæййæм иу бинонтау æмæ кусæм æнгомæй», — дзырдта уый.

Уымæй дарддæр ма уæрæсейаг æмфыдыбæстæйонтæ ацæуынц Мæскуымæ дунеон конференцийы хайад райсынмæ. Уым хайад исынц æппæт дунейы минæвæрттæ дæр, цыран æруы-наффæ кæнынц иууыл ахсджиагдæр фарстытыл. Цыппар аз иу хатт та Санкт-Петербурджы уагъд æрцæуы конференци бирæнымæц хайадисджытимæ, цыран иууыл хуыздæрты сæ активон куысты фæдыл схорзæхджын кæнынц алыгъуызон хорзæхтæй.

Организаци «Союз российских граждан»-ы цур ма хъавынц хæрзаудæн фонд бакæнын уæззау рынчын æмæ сахъатджын сывæллæттæн баххуыс кæныны тыххæй, афтæ ма аивадон æгъдауæй зондджын сывæллæтты фарс балæууыны нысанæн дæр.

Россохина Надежда куыд радзырдта, зæгъгæ, сæ организаци цы сывæллæтты арвитынц алыгъуызон олимпиадæтæм, уыдон æрхæссынц фыццаг, кæнæ призон бынæттæ.

«Россотрудничество»-йы хаххыл сывæллæттæ хайад истой Казаны æппæтдунеон спортивон хъæзтыты, рамбылдтой дыккæгæм бынат конкурс «Русская школа»-йы. Ивгъуыд аз та фыццаг бынат бацахстой. Уый дзурæг у, нæ сывæллæттæ уырыссаг æвзаг кæй зонынц бæрзонд æмвæзадыл.

Сæрды та уыдыстæм Мæскуыйы. Уым экскурситæй дарддæр уыд æндæр мадзæлттæ дæр.

Нæ сывæллæттæ сæ арæхстдзинад æвдыстой æххæст кæнынæй. Уыдонмæ дæр стыр цымыдисдзинад æвзæры уым.

Нæ адресыл хорз ныхæстæ райхъуысы Уæрæсейы Фæсарæйнаг хъуыддæгты министра-ды ‘рдыгæй, Хуссар Ирыстоны Уæрæсейы Федерацийы минæварадæй»,  — зæгъы Надеждæ.

Хъыгагæн, банысан ма кодта уый, зæгъгæ, ацы аз нæ ацæргæ æмбæстæгты Уæрæсейы сана-торитæм арвитыны фадат нал фæцис. Ахæм домæн нын сæвæрдтой, зæгъгæ, кæд æмæ Ирыстоны территорийыл ис æнгæс улæфæн бынæттæ, уæд сын баххуыс кæндзысты. Ныфс нæ ис, фидæн аз ацы фарст скъуыддзаг кæй æрцæудзæнис.

Банысан кодта, конкурсы фæстиуæгæн кæй сбæрæг кæндзысты, Мæскуымæ ногазон виктори-нæмæ чи ацæудзысты, уыдон, афтæ ма загъта,  2018 азы Сочæйы æппæтдунеон хъæзты-ты хайад кæй райсдзысты нæ сывæллæттæ.

Надежда бузныг загъта «Россотрудничество»-йы æмæ Уæ-рæсейы минæварады къухдариуæгадæн сæ иузæрдион æххуысы тыххæй.

Нæ уацх.

Comments are closed, but trackbacks and pingbacks are open.