Республикæ Хуссар Ирыстоны Президент Бибылты Анатоли бабæрæг кодта Тыбылты Алыксандыры номыл  Хуссар Ирыстоны паддзахадон университеты Ногазон мадзалмæ, цыран уый студенттæн æмæ профессортæ-ахуыргæнджыты скондæн раарфæ кодта æрбалæуугæ Ног азы цытæн.

Ногазон бæрæгбон, кæцы сарæзтой ХИПУ-йы студенттæ, уыд хъæздыг: фæсивæд хъæлдзæг уыдысты, зарыдысты æмæ кафыдысты.

Æрæмбæрдуæвджытимæ ныхас кæнгæйæ, ХИПУ-йы ректор Тедеты Вадим банысан кодта, хуссарирыстойнаг студенттæ кæй сты курдиатджын æмæ перспективон.

«Æз сæрæстыр дæн нæ университеты алы студентæй дæр. Нæ фæсивæды иууыл курдиатджындæртæ æмæ переспективондæртæ равзарынц нæ уæлдæр ахуыргæнæндон, уымæн, нæ ахуыргæнæндон иуран нæ лæууы æмæ алыхаттдæр цæуы размæ», – загъта Тедеты Вадим.

Йæ рады, Президент загъта,   нæ университет кæй уадзы дунеон æмвæзады ахуыргæндты, æмæ цæвиттонæн æрхаста Цыбырты Алексейы, кæцы ахуыр фæцис ХИПУ-йы æмæ ныр та у Дзæуæджыхъæуы зонадон центры къухдариуæггæнæг.

«Сымах, зынаргъ студенттæ, æцæгæйдæр стут иууыл хуыздæр. Фыццаджыдæр, уымæн æмæ ахуыр кæнут иуыл хуыздæр ахуыргæнæндоны. Сымах уæхи нывонд кæнут зонадæн,  æмæ уымæй республикæйы ифтонг кæнут ахсджиаг кадртæй. ХИПУ-йы студенттæ сты нæ республикæйы ирд фидæны потеницал», – загъта Бибылты Анатоли.

Уый раарфæ кодта æрбалæуугæ Ног азы цытæн æмæ студенттæн йæ цæст бауарзта, цæмæй архайой, уой креативон æмæ cæ фæндтæ цы сæххæст уой, зындзинæдтæм нæ кæсгæйæ.

Республикæ  Хуссар Ирыстоны Президенты пресс-сулжбæ

Comments are closed, but trackbacks and pingbacks are open.