8-æм июны уынгыл цы зæронд абана уыд, уый 25 азæй фылдæр уыд æдзæллаг уавæры. Рæстæгæй-рæстæгмæ-иу фæзынд амалиуæггæнджытæ, кæцыты фæндыд абана сцалцæг кæнын æмæ йын ногæй цард радтын. Фæлæ абанайы коммуникацитæ æгæр кæй базæронд сты, стæй агъуыстмæ бирæ азты æркаст кæй нæ уыд æмæ чысылгай кæй хæлд, уый æгæр стыр финансон хæрдзтæ домдта.

Ивгъуыд азы кæрон бав-нæлдæуыд объект пырх кæнынмæ. Бирæтæ цымыдис кодтой, абанайы бынаты цы арæзт æрцæудзæн, зæронд бæстыхайы бынаты ног абана арæзт æрцæудзæнис æви нæ. Уый фæдыл архитектурæ æмæ арæзтады министрады загътой, зæгъгæ, абанайы бынаты арæзт цæуы медицинон-хосгæнæн центр. Фидæны медицинон-хосгæнæн центры сæргълæууæг уыдзæн нæ горæты зынгæ УЗИ-йы дохтыр Тасойты Азæ. «Абанайы бынаты сырæздзæнис, нырыккон домæнтæн дзуапп чи дæтта, ахæм хосгæнæн центр. Зæххы фадыг хицауадæй куы истам, уæд сæ домæн уыд, цæмæй хосгæнæндоны иу фарс та арæзт æрцæуа абана. Медицинон уагдоны абанайæ дарддæр уыдзæн сауна, фитнес-клуб, хосгæнæн физкультурæйы æппæт хуызтæ. Нырыккон  абанаты уыцы лæггæдтæ сты се ‘ппæт  дæр».

Тасойты Азæ ма куыд загъта, афтæмæй абана арæзт цæуы хисæрмагонд фæрæз-тæй, уымæ гæсгæ йæ арæзтад аххæсдзæн 2-3 азы бæрц, фæлæ уыдзæн, нырыккон домæнтæн дзуапп чи дæтта, ахæм уагдон.

 

 

ПАДДЗАХАДОН РЕЗЕРВТЫ ÆФТАУЦДОН

Раздæры авиацион заводы территорийыл сырæзт паддзахады резервы æфтауцдон. Уым ныртæккæ цæуы æфтауцдон товарæй йедзаг кæныны куыстытæ. Объекты арæзтад хаст æрцыд Инвестицион нывæстмæ. Хицæн ын æрцыд 40 милуан сомы. Арæзтадыл куыста хуссарирыстойнаг фирмæ ООО «Цхинвальская строительная ком-пания». Ацы объект у ангарон типы арæзтад. Проект куыд амоны, афтæмæй арæзтадон æрмæджытæ, хæлцадон продукттæ, дзаумæттæ æмæ цардуагон техникæ æфснайд цæудзысты хицæнтæй. Ам арæзт æрцыд офис дæр техникон æмæ административон кусджытæн. Паддзахадон резервы æфтауцдоны территорийы фæзуат у 7 мин кв. м. Уыцы территори æмткæй æрцыд хæрзарæзт, цæмæй дзы сæрибарæй уыцыиу рæстæг балæууæн уа дæсгай уæзласæн машинæтæн. Арæзтадон фирмæйы къухдариуæггæнæг Цхуырбаты Вильям куыд зæгъы, афтæмæй æппæт куыстытæ дæр фæуд сты.

Паддзахады резервы æфтауцдон арæзт æрцыд форсмажорон ситуациты тыххæй. Уый фæрцы паддзахад уæлвæткон уавæрты рæстæджы сифтонг кæндзæн йæ адæмы хæлцадон æмæ æндæр алыгъуызон æрмæджытæй.

УАЗÆГТЫ Марфа

 

Ацы æрмæджытæ дæр бакæс:

Медицинон лæггæдты æмвæзад æмæ гъæд кæндзысты ноджы хуыздæр Рæзы цæрджытæн медицинон лæггæдты гъæд Хъæуæг объекттæ – рохуаты ТОТЧИТЫ Георги: « Хосгæнæн фæрæзты дефицит ист нæма æрцыд боны фæткæй» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.