Республикæ Хуссар Ирыстоны Президент Бибылты Анатоли йæ фыццаг кусгæ боны фембæлд экс-президентимæ. Уый фæстæ та республикæйы хицауадимæ. Куыд зонæм, афтæмæй, Хуссар Ирыстоны министрты кабинет абон æрæвæрдта йæ æххæстбартæ Конституцимæ гæсгæ, цалынмæ хицауады ног сконд арæзт æрцæуа, уæдмæ.
Фембæлды рæстæджы Бибылты Анатоли банысан кодта, йæ къух кæй æрфыста хицауады уæнгты отставкæйы арвитыны фæдыл Указыл æмæ загъта, цæмæй хицауады уæнгтæ сæ хæстæ æххæст кæной, цалынмæ ног хицауады сконд арæзт æрцæуа, уæдмæ. Йæ ныхæстæм гæсгæ иу – дыууæ къуырийы æмгъуыдмæ арæзт æрцæудзæнис ног командæ.
«Иууыл сæйрагдæр у бæрндзинад хæссын куысты тыххæй. Мах сахуыр кæндзыстæм ал-кæцы министры куыст дæр. Йæ хæстæ цæсгомджынæй чи æххæст кодта, куыстыл æнувыд чи уыд, уыдон дарддæр дæр кусдзысты, æххæст кæндзысты сæ хæстæ, цæмæй ахъаз уой нæ иумæйаг интерестæн», – дзырдта Бибылты Анатоли фембæлды рæстæджы.
Уый æрсидт, рæстæгмæ министры хæстæ чи æххæст кæндзæн, уыцы чиновниктæм, цæ-мæй куыст адарддæр кæной æххæст тыхтæй, кæд сæ хæстæ рæстæгмæ æххæст кæндзысты, уæддæр.
Президент Бибылты Анатолийæн арфæйы ныхæстæ загъта Хъуылымбегты Доменти. Йæ цæстын бауарзта, цæмæй йын Ирыстоны хæрзиуæгæн бантыса фæрнджын хъуыддæгтæ саразын.
Нæ уацх.
Comments are closed, but trackbacks and pingbacks are open.