Æнæниздзинады фадыджы паддзахадон политикæ фæхуыздæр кæныны нысанæн 26 декабры Республикæ Хуссар Ирыстоны Президенты барамындæй фидар æрцыд Хуссар Ирыстоны æнæниздзинад хъахъхъæныны рæзты концепци 2017-2021 азтæн. Ацы концепцийы тыххæй Информаци æмæ мыхуыры паддзахадон комитеты пресс-центры ауагъдæуыд тематикон конференци.

Конференцийы куысты хайад райстой Хуссар Ирыстоны Президенты уынаффæгæ-нæг Сиукъаты Радион, æнæниздзинад хъахъхъæнын æмæ социалон рæзты министр Ку-лиджанов Григори, Информаци æмæ мыхуыры паддзахадон комитеты сæрдар Тыбылты Алан, медицинон уагдæтты къухдариуæггæнджытæ, æнæ-низдзинад хъахъхъæныны фа-дыджы республикæйæн чи æххуыс кæны, уыцы уæрæсейаг специалисттæ æмæ дзыллон информацион фæрæзты минæвæрттæ.

Ацы концепци цæй тыххæй райст æрцыд, уый тыххæй лæмбынæг радзырдтой Сиукъаты Радион, Къулиджанов Григори æмæ Уæрæсейы Федерацийы Президенты Администрацийы паддзахадон уынаффæгæнæг, профессор Игорь Галь.

Сиукъаты Родион куыд радзырдта, афтæмæй концепци у, республикæйы къухдариуæгады ахæм конкретон мадзал, кæцы райст æрцыд уый тыххæй, цæмæй 2016-2018 азты æнæниздзинад хъахъхъæныны оптимизаци æркæна РХИ-йы æнæниздзинад хъахъхъæныны комплексон рæзтмæ. Концепци æххæст цæудзæн РХИ-йы бюджеты хыгъдæй.

Сиукъаты Радионы ныхæстæм гæсгæ, республикæйы къухдариуæгад фагыл нæ ны-майы, медицинæйы фадыджы республикæйы цы тыхтæ æмæ фæрæзтæ ис, уыдон хардз кæныны эффективондзинад.

«Æнæниздзинад хъахъхъæныны бюджет баззайдзæн ныры æмвæзадыл æмæ нæ хæс у ссæрибаргонд фæрæзтæй эффективонæй спайда кæнын. Республикæйы экономикæйы ивындзинæдтæ кæй æрцыд, уый фæстиуæгæн домдæуы, цæмæй медицинон æххуыс организаци цæуа эффективонæй алы æмвæзадты дæр æмæ уыцы здæхты алы къахдзæф дæр арæзт цæуа ахъуыдыгонæй», — загъта Президенты паддзахадон уынаффæгæнæг.

Дарддæр уый банысан кодта, зæгъгæ, Тыбылты Леонид хæс æрæвæрдта, цæмæй арæзт æрцыдаид æнæниздзинад хъахъхъæныны рæзты æмæ бынтон æндæр æмвæзадмæ рахизыны стратеги. Уый та реализаци æрцæудзæн æнæниздзинад хъахъхъæныны рæзты концепцийы фæрцы.

Æнæниздзинад хъахъхъæныны рæзт фыццаджы фыццаг здæхт у цæрджыты æнæниз-дзинад фæхуыздæр кæнынмæ, афтæ ма сын медицинон æххуысы гъæд фæбæрзонддæр кæнынмæ.

Æнæниздзинад хъахъхъæныны министрад концепцийы фыццаградон хæсыл нымайы медицинон-санитарон æххуысы системæ сфидар кæнын, кæцы Сиукъаты Радионы ны-хæстæм гæсгæ, чысыл цуды.

Президенты паддзахадон уынаффæгæнæг куыд банысан кодта, уымæ гæсгæ Æнæ-низдзинад хъахъхъæнын æмæ социалон рæзты министрад бацæттæ кодта Æмцæдисад æмæ интеграцийы тыххæй сæйраг Бадзырдмæ уæлæмхас сразыдзинæдтæ. Ацы сразыдзинæдты фæрцы Хуссар Ирыстоны чи цæры, уыцы уæрæсейаг æмбæстæгтæн цæудзæн специализацигонд медицинон æххуыс Уæрæсейы æнæмæнгхъæуæг медицион фæдзæхсты системæйы хыгъдæй. Уæрæсейы Федерацийы регионтæм абаргæйæ, абоны бон Хуссар Ирыстоны стационарон рынчынтæ æмæ æмбæстæгты хатырон категорийæн сæ уавæр у хуыздæр, уымæн æмæ лæвар ифтонг цæуынц  фылдæр медицинон препараттæй.

Сиукъаты Радион стыр аргъ скодта республикæйы стоматологон лæггæдты гъæдæн дæр. «Нæ стоматологон поликлиникæйы æххуысы гуырахст æххæст цæуы, уым цы ифтонг-гæрзтæ ис, уыдоны фæрцы. Уыимæ иумæ ма республикæйы Президент Тыбылты Леонид хæс æрæвæрдтæ, цæмæй ацы уагдон фидæн азы ноджыдæр ифтонг æрцæуа ног иф-тонгггæрзтæй. Ног ифтонггæрзтæ та хъæуынц сывæллæтты стоматологи æмæ ортопедийы кабинет бакæныны тыххæй. Фидæн азы фыццаг æмбис мах аскъуыддзаг кæн-дзыстæм уыцы фарст нæ уæрæсейаг коллегæтимæ иумæ», — бахахх кодта Президенты паддзахадон уынаффæгæнæг.

Сиукъайы фырт куыд загъта, афтæмæй республикæйы къухдариуæгад стыр хъусдард здахы сывæллæтты æнæниздзинадмæ æмæ банысан кодта, зæгъгæ, сывæллæтты диспансеризаци рахызт радон этапмæ. Фидæн азæй алы сывæллонæн дæр бацæттæ æр-цæудзæн хос кæнын, реабилитаци æмæ спортæй архайыны план.

Йæ ныхæстæм гæсгæ, ныртæккæ уæрæсейаг коллегæтимæ иумæ æххæст хъомысæй куыст цæуы  республикæйы медико-социалон экспертизæйы фарстытыл.

Сиукъаты Радион ма радзырдта тагъд æххуысы кусджыты квалификацийы фæ-бæрзонддæр кæныны тыххæй дæр.

«Уæрæсейæ цы специалистты æрхуыдтам, уыдон æххуысæй фæнд кæнæм тагъд æххуысы службæйы æмвæзад фæбæрзонддæр кæнын. Ныртæккæ республикæйы ис ахæм специалист, кæцы æрмæст кусгæ нæ кæны, фæлæ ма йæ фæлтæрддзинад амоны æмæ ахуыр кæны медперсоналы. 2017 азы фæнд кæнæм ноджыдæр 18 бæрзондквалификаци-джын специалисты æрхонын. Уыдон кусдзысты нæхи медиктимæ æмæ сын сæ фæлтæрд-дзинад дæр амондзысты», — банысан кодта Сиукъайы фырт.

Приоритетон хæслæвæрд ма у медицион кадрты квалификаци фæбæрзонддæр кæнын, медицинон уагдæтты нырыккон хосгæнæн-диагностикон ифтонггæрзтæ æмæ техникæйæ сифтонг кæнын, уый фæахъаз уыдзæн, республикæйæн æддæмæ цы пациенттæ цæуынц, уыдоны нымæц минимуммæ æркæнынæн.

Йæ рады æнæниздзинад хъахъхъæнын æмæ социалон рæзты министр Григори Кули-джанов банысан кодта, зæгъгæ, республикæйы æнæниздзинад хъахъхъæныны сæйраг принциптæ сты æнæниздзинад хъахъхъæныны сферæйы адæймаджы бартæ хъахъхъæ-нын, мад æмæ сабийы æнæниздзинад хъахъхъæнын, медицинон æххуысы гъæд фæ-хуыздæр кæнын æмæ медицинон лæггæдтæй пайда кæнын, медицинон архайды æдас-дзинад, кадрон потенциалы фарстатæ скъуыддзаг кæнын.

Йæ ныхæстæм гæсгæ, æнæниздзинад хъахъхъæныны концепцийыл дзырд куы цæуа, уæд æй æнæмæнг æххæст кæнын хъæуы иумиаг тыхтæй, æнæниздзинад            хъахъхъæныны сферæйы кусджыты фыццагон цæгæй райдайгæйæ æмæ Æнæниздзи-над хъахъхъæныны министрады кусджытæй фæугæйæ.

Министр ма фехъусын кодта, зæгъгæ, 2017 азы Цхинвалы эксплуатацимæ лæвæрд æрцæудзæн хирургион корпус компьютерон томографиимæ. Ацы объект эксплуатацимæ лæвæрд куы æрцæуа, уæд бирæ проблемæтæ æрцæудзысты скъуыддзаг, сæрмагондæй та, къахниз æмæ централон нервты системæйæ рынчын чи у, уыдонæн.

Уыимæ иумæ ма Кулиджанов радзырдта æнæмæнгхъæуæг медицинон фæдзæхсты полис райсыны фæткы тыххæй дæр. Йæ ныхæстæм гæсгæ, ног азæй медицинон полистæ райсдзысты, Республикæ Хуссар Ирыстоны территорийыл æдзух чи цæры æмæ мидæггагон æмæ фæсарæйнаг паспорттæ кæмæ ис, уыдон. Уæрæсейаг æмбæстагдзинад кæмæ нæй, Хуссар Ирыстоны уыцы æмбæстæгтæн та сæ бон уыдзæн фæхуымæтæгдæр фæткмæ гæсгæ Уæрæсейы Федерацийы æмбæстагдзинад райсын, уый фæстæ райсдзысты æнæмæнгхъæуæг медицинон фæдзæхсты полис. Ацы хæслæвæрдтæ иууылдæр æххæст куы æрцæуой, уæд уый фæахъаз уыдзæн Хуссар Ирыстоны цæрджыты гъæдджын медицинон лæггæдтæй сифтонг кæнынæн æмæ æнæниздзинад хъахъхъæныны инновацион рæзтæн.

Йæ рады Хуссар Ирыстоны Æнæниздзинад хъахъхъæныны æмæ социалон рæзты министрады уынаффæгæнæг Игорь Галь хъусдард аздæхта республикæйы фыццаградон медико-санитарон æххуысы системæйы рæзты фарста-тæм.

«Цас размæдзыддæр уа фыццаградон медико-санитарон æххуысы системæ, уый-бæрц хуыздæр уыдзæн æнæниздзинад хъахъхъæныны националон системæ. Махæн нæ къухы хъуамæ бафта уыцы нысанмæздæхт индикатортæ, кæцыты Президент банысан кæнын кодта ацы концепцийы. Уыдон та сты: цæрджытæй къаддæр мæлын, сæрмагондæй та куыстхъом кары æмбæстæгтæй, социалон нысаниуæджы низтæй амæлыны цаутæ фæкъаддæр кæнын, гуырынад фæфылдæр кæнын æмæ уый фæстиуæгæн цæр-джыты нымæцы æрдзон  сырæзт фæфылдæр кæнын», — загъта Игорь Галь.

Мадзалы кæрон Сиукъаты Радион фехъусын кодта, зæгъгæ, 2017 азы февралы фæстаг декадæйы уыдзæн хыгъдон æмбырд, цыран ныхас цæудзæн ацы концепцийыл дæр æмæ бакæнгæ куысты хатдзæгтыл дæр.

РS. Уавæрæй спайдагæнгæйæ мæ мæхи номæй æмæ редакцийы æппæт коллективы номæй фæнды Ног азы цытæн раарфæ кæнын республикæйы медицинон фадыджы æппæт кусджытæн дæр. Сымах нын æрмæст не ‘нæниздзинад нæ хъахъхъæнут, фæлæ ма стут нæ низты ныхмæ карз тохгæнджытæ, Дунескæнæджы фæстæ адæмæн сæ ныфс сымах стут, куы фæрынчын вæййынц, уæд сымах вæййут се ‘ххуысы ныфс. Бирæ нын цæрут æнæниз æмæ æнæмастæй, алкæйы хæдзары дæр уæ уæд фарн æмæ бæркад, кæрæдзиæмбарынад æмæ уарзондзинад. Ног азы хорзæх уæ уæнт!

Осиаты Индирæ

Comments are closed, but trackbacks and pingbacks are open.