Райгуырд горæт Цхинвалы 1989 азы 7 сентябры 2007 азы Цхинвалы 7-æм астæуккаг скъола каст фæуыны фæстæ  йæ ахуыр адарддæр кодта Мæскуыйы С. Ю. Виттейы номыл университеты (раздæр хуынд экономикæ, менеджмент æмæ барады университет), каст æй фæци 2012 азы æмæ райста «юриспруденци»-йы дæсныйад. Уыцы аз кусын райдыдта Æхгæд акционерон æхсæнад «Руснефтегаз»-ы юридикон хайады хистæрæй. 2013 азы уыцы куыстæй йæхи ссæрибар кодта æмæ æрыз-дæхт Цхинвалмæ.

2014 азы нысан æрцыд Республикæ Хуссар Ирыстоны Президенты Администрацийы Мидæггагон политикæйы управленийы хистæры хæдивæгæй – æхсæнадон организацитæ æмæ политикон партитимæ куысты фæдыл хайады хистæрæй.

Уыцы аз ахуырмæ æрвыст æрцыд Уæрæсейы Федерацийы Президенты цур Адæмон хæдзарады æмæ паддзахадон службæйы уæрæсейаг академимæ «Паддзахадон æмæ муниципалон  управлени»-йы дæсныйад райсынмæ, каст æй фæцис уыцы аз.

Бирæ хæттыты йæ куыстытæ мыхуыр æрцыдысты уæрæсейаг мыхуырон рауагъдадты.

2016 азы 12 октябры нысан æрцыд Республикæ Хуссар Ирыстоны Информаци æмæ мыхуыры паддзахадон комитеты сæрдарæй.

Comments are closed, but trackbacks and pingbacks are open.