Тыбылты Алыксандры номыл Хуссар Ирыстоны Паддзахадон университет хъусын кæны, 2019-2020 ахуыры азæн кæй исы студенттæ ахæм дæсныйæдты фæдыл:

Боны хайад:

1. Дунеон журналистикæ

2.Англисаг æвзаг немыцаг æвзаджы уæлæмхас дæсныйадимæ

3. Истори. Дунеон ахастыты истори

4. Медицинон биохими

5. Ирон æвзаг æмæ литературæ. Уырыссаг æвзаг æмæ литературæ

6. Райдиан ахуырады педагогикæ æмæ методикæ. Скъолайы агъоммæ ахуырад

7. Прикладон математикæ æмæ информатикæ

8. Сæудæджерадон æмæ æмбæстагон арæзтад

9. Психологи

10. Уырыссаг æвзаг æмæ литературæ

11. Экономикæ æмæ разамынад куыстуаты (специализаци «Антикризисон разамынад»)

12. Юриспруденци

Фæсаууонмæ хайад (бюджетон бындурыл)

1. Биологи

2. Скъолайы агъоммæ педагогикæ æмæ психологи

3. Ирон æвзаг æмæ литературæ

4. Райдиан ахуырады педагогикæ æмæ методикæ

5. Уырыссаг æвзаг æмæ литературæ

6. Физикон культурæ.

Фæсаууонмæ хайад (коммерцион бындурыл)

1. Автомобилтæ æмæ автомобилон хæдзарад (астæуккаг æмæ уæлдæр ахуырады базæйыл)

2. Паддзахадон æмæ муниципалон разамынад (астæуккаг æмæ уæлдæр ахуырады базæйыл)

3. Истори (астæуккаг æмæ уæлдæр ахуырады базæйыл)

4. Дунеон ахастытæ (астæуккаг æмæ уæлдæр ахуырады базæйыл)

5. Сæудæджерадон æмæ æмбæстагон арæзтад (астæуккаг æмæ уæлдæр ахуырады базæйыл)

6. Психологи (уæлдæр ахуырады базæйыл)

7. Фармаци (астæуккаг æмæ уæлдæр ахуырады базæйыл)

8. Финанстæ æмæ кредит (уæлдæр ахуырады базæйыл)

9. Юриспруденци (астæуккаг æмæ уæлдæр ахуырады базæйыл)

Университеты боны хайадмæ чи цæ-уынц, уыдон исæн фæлварæнтæ дæттынц сæ равзаргæ дæсныйæдтæм гæсгæ ахæм дисциплинæтæй:

Дунеон журналистикæ – ирон æвзаг æмæ литературæ (фысгæйæ, изложени) уырыссаг æвзаг æмæ литературæ (фысгæйæ, изложени), фæсарæйнаг æвзаг (дзургæйæ).

Англисаг æвзаг немыцаг æвзаджы уæлæмхас дæсныйадимæ – англисаг æвзаг (фысгæйæ, тесты хуызы), англисаг æвзаг (дзургæйæ), уырыссаг æвзаг æмæ литературæ (фысгæйæ, изложени).

Истори. Дунеон ахастыты истори –  Фыдыбæстæйы истори (Уæрæсе æмæ Хуссар Ирыстоны).

Медицинон биохими – биологи (дзургæйæ), хими (фысгæйæ), уырыссаг æвзаг (фысгæйæ, диктант).

Ирон æвзаг æмæ литературæ. Уырыссаг æвзаг æмæ литературæ – ирон æвзаг æмæ литературæ (фысгæйæ, изложени), ирон æвзаг æмæ литературæ (дзургæйæ), уырыссаг æвзаг (фысгæйæ, диктант).

Райдиан ахуырады педагогикæ æмæ методикæ. Скъолайы агъоммæ ахуырад  ирон æвзаг æмæ литературæ (фысгæйæ, изложени), математикæ (дзургæйæ), уырыссаг æвзаг (фысгæйæ, диктант).

Прикладон математикæ æмæ информатикæ – математикæ (фысгæйæ), физикæ (дзургæйæ), уырыссаг æвзаг (фысгæйæ, диктант).

Сæудæджерадон æмæ æмбæстагон арæзтад – математикæ (фысгæйæ), физикæ (дзургæйæ), уырыссаг æвзаг (фысгæйæ, диктант).

Психологи – биологи (фысгæйæ), æхсæнадзонынад (фысгæйæ), уырыссаг æвзаг (фысгæйæ, диктант).

Уырыссаг æвзаг æмæ литературæ – уырыссаг æвзаг æмæ литературæ (фысгæйæ – изложени, дзургæйæ), фæсарæйнаг æвзаг (дзургæйæ).

Экономикæ æмæ разамынад куыстуаты (специализаци «Антикризисон разамынад), математикæ (фысгæйæ), æхсæнадзо-нынад (фысгæйæ,) уырыссаг æвзаг (фысгæйæ, диктант).

Юриспруденци – æхсæнадзонынад (фысгæйæ), Фыдыбæстæйы истори (Уæ-рæсе æмæ Ирыстоны), уырыссаг æвзаг æмæ литературæ (фысгæйæ, изложени).

Университетмæ чи цæуы, уыдон иууылдæр дæттынц бахыгъд (зачет) ирон æвзагæй (дзургæйæ).

«Дунеон журналистикæйы» дæсныйад райсынмæ чи цæуы, уыдон развæлгъау рацæуынц сфæлдыстадон конкурс, кæцыйæн аргъ цæуы «бахыгъд», «нæбахыгъд» системæмæ гæсгæ. «Нæбахыгъд» чи райса, уыдон исæн фæлварæнтæм уагъд нæ цæ-уынц.

Университеты фæсаууонмæ хайадмæ (бюджетон æмæ æнæбюджетон бындурыл) чи цæуы, уыдонимæ ныхас кæнынц сæ равзаргæ дæсныйæдты фæдыл ахæм дисциплинæтæй:

Автомобилтæ æмæ автомобилон хæдзарад – математикæ.

Биологи – биологи.

Паддзахадон æмæ муниципалон разамынад  – математикæ.

Скъолайы агъоммæ педагогикæ æмæ психологи –  ирон æвзаг æмæ литературæ.

Истори – Фыдыбæстæйы истори (Уæрæсе æмæ Ирыстон)

Дунеон ахастытæ  – æхсæнадзонынад

Ирон æвзаг æмæ литературæ – ирон æвзаг æмæ литературæ.

Райдиан ахуырады педагогикæ æмæ методикæ  – ирон æвзаг æмæ литературæ.

Сæудæджерадон æмæ æмбæстагон арæзтад  – математикæ

Уырыссаг æвзаг æмæ литературæ –  уырыссаг æвзаг æмæ литературæ.

Фармаци  –  хими

Физикон культурæ – физикон цæт-тæдзинад æмæ биологи

Юриспруденци   –  æхсæнадзонынад.

Фæсаууонмæ хайадмæ «Физикон культурæ»-йы дæсныйады фæдыл чи цæуы, уы-донмæ спорты равзаргæ хуызæй спортивон цæттæдзинад 3-аг разрядæй къаддæр хъуа-мæ ма уа. Спорты дæснытæ æмæ спорты дæснытæм кандидаттæ сæрибар цæуынц нормативтæ дæттынæй.

Астæуккаг скъола каст фæуыны фæстæ сыгъзæрин (æвзист) майданæй хорзæх-джын чи ‘рцыдысты, астæуккаг специалон ахуыргæнæн уагдон кæнæ та астæуккаг профессионалон-техникон ахуыргæнæндон (11 къласы базæйыл) иттæг хорз нысæнттыл каст чи фесты, уыдон равзаргæ дæсныйады фæдыл дæттынц фыццаг фæлварæн. «Фондз» нысан райсгæйæ, уыдон сæрибар цæуынц иннæ фæлварæнтæ дæттынæй. «4» кæнæ «3» райсгæйæ та дæттынц иннæ фæлварæнты дæр. Æнæ конкурсæй ист цæ-уынц ацæугæ ахуыры азы профилон предметæй республикон олимпиадæйы призертæ. Университет планæй уæлæмæ фидгæ бындурыл исы студенттæ, индивидуалон бадзырдтæ, куыстуæттæ, организацитæ æмæ хицæн адæймæгтимæ саразгæйæ.

Куырдиæттæ ист цæуынц 1 июлæй 15 июлмæ («Дунеон журналистикæ»-йы дæсныйадмæ  12 июлмæ).

Коммерцион бындурыл фæсаууонмæ хайады дæсныйæдтæм куырдиæттæ ист цæуынц 20 июлмæ.

Университетмæ райсыны тыххæй куырдиатимæ хъуамæ уой астæуккаг ахуырады тыххæй документ (йæхæдæг), 6 фотокарточкæйы 3х4, медицинон бæлвырдгæнæн, бавдисынц паспорт æмæ æфсæддон хæсмæ ахасты тыххæй документ.

Университетæн ис лицензи.

Документтæ ист цæуынц ахæм адресыл: РХИ, г. Цхинвал, Мæскуыйы уынг, 1 (ХИПУ-йы æмдзæрæндоны бæстыхай), 10.00 сахатæй 17.00 сахатмæ æрвылбон дæр хуыцаубонæй дарддæр.

Ректорат