30 октябры йæ 80 азы юбилей банысан кодта историон зонæдты доктор, профессор, Хетæгкаты Къостайы номыл Цæгат Ирыстоны Паддзахадон университеты президент (1990-2006 азты) Мæхæмæтты Ахуырбег. Юбиляры цытæн мадзæлттæ уагъд æрцыдысты ЦИПУ Культурæйы галуаны. Юбилярæн йæ райгуырæн бонмæ раарфæ кæнынмæ Дзæуджыхъæумæ ацыд Хуссар Ирыстоны Президент Тыбылты Леонид.

«Зынгæ ахуыргонд, ирон зонадон интеллигенцийы ирддæр минæвæрттæй сæ иу, йæ цардыбонтæ æрыгон ахуыргæндтæ цæттæ кæнынæн чи снывонд кодта, уыцы адæймаг, дæ фæрцы Уæрæсейы фæллой кæнынц Хуссар Ирыстонæй рацæугæтæ», – банысан кодта Тыбылты Леонид.

Юбилярæн раарфæ кодта РЦИ-Аланийы Сæргълæууæг Битарты Вячеслав.

«Кæддæриддæр студенттæм зæрдæрис, лæмбынæг æмæ хъармзæрдæ, ды иу æмæ дыууæ хатты нæ уыдтæ æвдисæн æнусон æцæгдзинадæн, хорз ном дын куы уа, адæм дын кад æмæ аргъ куы кæной, уæд уый адæймагæн йæ сæйраг хæзна кæй у. Иу æмæ дыууæ хатты нæ федтон, республикæйы Парламенты мæм демæ кусыны амонд куы æрхауд, уæд. Дæ куырыхон ныхас кæддæриддæр уыд хъæугæ, ахсджиаг æмæ рæстæгыл загъд. Дæу уарзынц æмæ дын кад кæынц республикæйы, аргъ дын кæнынц æмæ дæ зонынц республикæйæн æддейæ дæр», – загъта Битарты Вячеслав.

Дарддæр мадзалы уагъд æрцыд концерт рсепубликæйы сфæлдыстадон коллективты хайадистимæ.

Comments are closed, but trackbacks and pingbacks are open.