Æрæджы Хуссар Ирыстоны адæм радон хатт банысан кодтой гуырдзыйы æфсæдты мæнгардæй æрбабырсты бон. Уыцы азты бирæтæн нæма бантыст, 2008 азы августы гарзджын конфликты рæстæджы цы хъæдгæмттæ райстой, уыдоны байгас кæнын.

Адæм бафæрæзтой, райстой сæрибардзинад, къухты бафтыд дунеон банымад.

Хуссар Ирыстон бузныджы æнкъарæнтимæ хъуыды кæны, йæ адæмы йын чи фервæзын кодтой æмæ республикæйы æнæхъæндзинады сæрыл чи тох кодтой, уыцы уæрæсейаг салдаттæ æмæ афицерты.

Иуварс нæ лæууыдысты Цæгат Ирыстоны цæрджытæ дæр. мах хъуыды кæнæм, Хуссар Ирыстоны адæмы сæрибардзинады сæрыл сæ цард чи радтой, уыцы леппуты нæмттæ.

Абон Хуссар Ирыстон æнтысгæйæ рæзы, аразы йæ фидæн, хъахъхъæны стабилондзинад.

Алы растхъуыдыгæнæг адæймаг дæр æмбары, хорз рæстæджыты республикæйæн разамынд кæнын æнцон кæй у, фæлæ регионы къухдариуæггæнæджы æцæг эффективондзинад бæрæг цæуы уæззау рæстæджыты йын разамынд кæнынмæ арæхсынæй.

Æмæ ацы фарсты Тыбылты Леонид Харитоны фырт сфæлтæрдта — Республикæ Хуссар Ирыстоны аразыны азты уый æнтысгæйæ æххæст кæны, цы хæстæ йыл æвæрд ис, уыдоны.

Æрæджы журналисттимæ ныхас кæнгæйæ, Леонид Харитоны фырт банысан кодта: «Хуссар Ирыстоны адæмæн æппæт фадæттæ дæр ис республикæйы æввахсдæр 5-10 азы сæндидзын кæнынæн: зонадон æгъдауæй бафидаргонд æддагполитикон стратеги; уникалон æрдзон ресурстæ; курдиатджын, ахуыр адæм; стыр истори æмæ традицитæ…

Иумæйаг тыхтæй мах æнæмæнг сæххæст кæндзыстæм царды нæ иумæйаг бæллиц  адæмимæ æмæ адæмæн тыхджын, хæдбар паддзахад саразын. Кæй зæгъын æй хъæуы, никæмæн бантысдзæн алцы дæр æвиппайды саразын,  разæй ис бирæ проекттæ. Хуссар Ирыстоны адæмы æмæ, сæрмагондæй, мæхи хæс дæр ис республикæйы комплексон рæзтмæ тырнындзинад æмæ стратегийы».

Ацы ныхæстæ дзурæг сты республикæйы къухдариуæггæнæджы ахастыл йæ адæммæ, Хуссар Ирыстонæн ахсджиаг хæстæ скъуыддзаг кæныны сомбоныл йе ‘ууæнкыл.

Мах иттæг хорз æмбарæм, цыбыр æмгъуыдмæ цæхгæр рацаразындзинæдтæн сæх-хæстгæнæн кæй нæй, æгæрыстæмæй, размæдзыд паддзахады дæр. Фæлæ ахсджиаг у, æрвылбонон хæстæ скъуыддзаг кæнгæйæ, Тыбылты Леонид кæй уыны бæрæг нысан, ныфс æй ис йæ адæмы патриотдзинадæй.

Республикæйы экономикæмæ инвестицитæ æрбакæнын, царды ног проекттæ цадæггай æххæст кæнын, æндæр регионтимæ æмгуысткæнынад æмæ партнердзинад фидардæр кæнын Леонид Харитоны фыртæн приоритетондæр кæй сты, уый хынцгæйæ, сæйрагдæр хæстæй иуыл нымайы бюрократон, бар радтыны процедурæтæ фæхуымæтæгдæр кæнын, амалиуæгæнджытыл административон æлхъывдад фæкъаддæр кæнын. Уымæ гæсгæ æнди-дзынгæнæн куыстыты æмрæнхъ хъусдард здахы республикæйы бизнесы рæзты фарстытæм дæр.

Тыбылты Леонид Президентæй цы азты кусы, уыдон уынын кæнынц, республикæйы æппæт прогнозтæ дæр цадæггай раст кæй разынынц æмæ ног гъæдджын цард аразынмæ, Хуссар Ирыстоны социалон-экономикон рæзтмæ курс раст кæй у.

Леонид Харитоны фыртæн йæ куысты фыццаг бонæй фæстæмæ сæйрагдæр хæстæ сты æхсæнадон-политикон стабилондзинад фидардæр кæнын, республикæйы æппæт политикон тыхты консолидаци кæнын, æхсæнады дихдзинад иуварс кæнын, æхсæнадон æдасдзинад ифтонг кæнын. абонмæ Хуссар Ирыстон рацыдис æндидзынады æмæ бæстæйы фидардæр кæныны бæрæг ахсджиаг этап, æввахсдæр азтæ та уыдзысты ноджы ахсджиагдæр. Леонид Харитоны фырт бындур æрæвæрдта бирæ райдиантæн, кæцытæ Уæрæсейы Федерациимæ иумæ, республикæйы цæрджыты æххуысæй хъæуы адарддæр кæнын.

Цытджын Леонид Харитоны фырт! Дæуæн æмæ Хуссар Ирыстоны адæмæн нæ цæст уарзы сабырад, фæрныгад æмæ æнтыстытæ æппæт хъуыддæгты.

Уататы Зелим, РЦИ-Аланийы Парламенты депутат; Сикъоты Сослан, инæлар-майор; Ходы Камал, Ирыстоны Фысджыты цæдисы æмсæрдар; Цæрукъаты Æхсар, амалиуæггæнæг.

Газет «Свободный взгляд»

Comments are closed, but trackbacks and pingbacks are open.