Уæрæсейы Федерацийы милицийы хаххыл уæлдæр ахуыргæнæндæттæм ацæуын кæй фæнды 2022-23 ахуыры азы, уыдоны куырдиæттæ 4 апрелæй 15 апрелмæ исдзысты Республикæ Хуссар Ирыстоны Мидхъуыддæгты министрады. Ахуырмæ бынæттæ рахицæн кодтой Нижегородскы академийы, Краснодары университеты, Орловы æмæ Воронежы институтты.
Ахуырмæ чи ацæуа, уыцы курсантты хицауад сифтонг кæндзæн уæлæдарæсæй, хæлцæй, цæрæнуатæй æмæ ма уымæй уæлдай сæ ахуыры рæстæг дæр нымад æрцæудзæнис куысты стажыл. Ахуыр фæуыны фæстæ та райсдзысты милицийы лейтенанты нæмттæ, ӕрцӕудзысты Хуссар Ирыстонмӕ æмæ сæ службæ адарддæр кæндзысты барадхъахъхъæнæг органты.
Куырдиат бадæттыны тыххæй бацæуын хъæуы ахæм адресмæ – горæт Цхинвал Хетæгкаты Къостайы уынг 5 – Мидхъуыддæгты министрады бæстыхай. Кæнæ та информаци базоныны фæдыл фæдзурæн ис ахæм номыртæм – 45 15 38.
ДЖИОТЫ Александр
Comments are closed, but trackbacks and pingbacks are open.