Республикæ Хуссар Ирыстоны Президенты №315  барамындмæ гæсгæ, Республикæ Хуссар Ирыстоны делегаци РХИ-йы Президент Гаглойты Аланы сæргълæудæй, 2022 азы 14-15 июны консультацитæ ауагътой Уæрæсейы Федерацийы Президенты Администрацийы (Д. Н. Козак), Уæрæсейы æдасдзинады Советы (Р. Г. Нургалиев),  Уæрæсейы Федерацийы  Федералон Æмбырды Федерацийы Советы (К. И. Косачев), Уæрæсейы Фæсарæйнаг хъуыддæгты министрады (С. В. Лаврорв, А. Ю. Руденко),  Уæрæсейы Экономикон рæзты министрады (М. Г. Решетников) хайадистæй.

Консультациты фæстиуджытæм гæсгæ нысан æрцыд, зæгъгæ, РХИ-йы Президент Бибылты Анатолийы 13.05.2022 азы №212 барамындæй нысан æрцыд референдум развæлгъу ыл нæ бакусгæйæ æмæ ацы фарст уæрæсейаг фарсимæ нæ æрæмных кæнгæйæ, уый та у 2015 азы 18 марты къухтæ кæуыл æрфыстæуыд, Уæрæсейы Федераци æмæ Республикæ Хуссар Ирыстоны ‘хсæн Æмцæдисад æмæ интеграцийы тыххæй уыцы бадзырды Дыууæ Фарсы хæслæвæрдты ныхмæ.

Республикæ Хуссар Ирыстоны Конституци æмæ закъæттæм гæсгæ, референдумы цы уынаффæтæ райстæуа, уыдонæн ис бæрзонд юридикон тых æмæ æххæст хъуамæ æрцæуой паддзахиуæгады æппæт органты  æмæ республикæйы æхсæнады æрдыгæй дæр. О, фæлæ юридиконæй раст арæзт куынæ уа, референдуммæ цы фарст хъуамæ рахастæуа, уый формулировкæ, уæд уый халы йæ сæххæст кæныны кæцыфæнды фадат дæр. Референдумы фæдыл уынаффæтæн развæлгъау кæнæ фæстагмæ алыгъуызон мидистæ куы уа, уæд уый нысан кæны æвзарджыты сайын æмæ референдумæн йæхи легитимондзинады дискредитаци.

Банысангонд фæстиуджытæ бахынцгæйæ, Республикæ Хуссар Ирыстон Уæрæсеимæ интеграцимæ æмæ йемæ баиумæ кæй тырны, уый фæдыл, консультациты хайадисджытæ æрцыдысты иу хатдзæгмæ, зæгъгæ, референдум ауадзыны фæдыл инициативон къорд хъуамæ æрæвæра юридиконæй раст фарст (фарстатæ), кæцытæ хъуамæ хаст æрцæуой референдуммæ, æмæ сыл хъуамæ æртæрхон кæна уæрæх æхсæнад дæр. Банысангонд тæрхоны  фæстиуджытæ бахынцгæйæ, бæрнджын органтæн хъуамæ æмбæлон консультацитæ ауадзой Уæрæсейаг Фарсимæ, Республикæ Хуссар Ирыстон æмæ Уæрæсейы Федерацийы дарддæры интеграцийы формæты тыххæй.

Республикæ Хуссар Ирыстоны Президент Гаглойты Алан

Республикæ Хуссар Ирыстоны Парламенты Сæрдар Тадтаты Алан

Республикæ Хуссар Ирыстоны Централон æвзарæн къамисы сæрдар Гæджиты Эмилия

Республикæ Хуссар Ирыстоны Президенты Администрацийы Къухдариуæггæнæг Джиоты Алан

Республикæ Хуссар Ирыстоны фæсарæйнаг хъуыддæгты министры хæстæ æххæстгæнæг Медойты Димитр

Республикæ Хуссар Ирыстоны Президенты Паддзахадон уынаффæгæнæг Коцты Константин

Ацы æрмæджытæ дæр бакæс:

Default ThumbnailПАДДЗАХАДОН ÆДАСДЗИНАДЫ КОМИТЕТЫ ХЪУСЫНГÆНИНАГ Default ThumbnailРХИ-йы Сæйраг Советы фыццаг сæвзæрст депутатты къорды хъусынгæнинаг Республикæ Хуссар Ирыстоны Президент Бибылты Анатолийы Хъусынгæнинаг Республикæ Абхазы сæвзæргæ уавæры тыххæй Республикæ Хуссар Ирыстоны Президенты цур Хетæгкаты Къостайы номыл паддзахадон премийы фæдыл къамис хъусын кæны Хетæгкаты Къостайы номыл Паддзахадон премийы фæдыл къамис хъусын кæны

Comments are closed, but trackbacks and pingbacks are open.