Бастдзинады ног оператор «Юг-Телеком» нæ республикæйы фæзынд ивгъуыд аз. Уæдмæ нæ республикæйы цæрджытæ пайда кодтой æрмæстдæр «Мегафон»-ы бастдзинадæй. Бирæтæ райгонд нæ уыдысты йæ лæггæдты къабазæй, фæлæ сын хуыздæр уавæр кæй нæ уыд, уымæ гæсгæ быхстой. Райгонд та дзы нæ уыдысты, фыц-цаджыдæр: Йæ къуылымпыдзинадæй, уый фæстæ та трафиктæ тагъд кæй фæуд кодтой, уымæй.

Республикæйы разамынады æх-хуыс æмæ хайадисты фæрцы адæмы ацы зындзинад иуварс æрцыд.

«Юг-Телеком» ныфс æвæрдта иу азы æмгъуыдмæ канд горæт нæ, фæлæ республикæйы районты дæр интернеты бастдзинадæй кæй сифтонг кæндзæнис. Ацы интернет провайдеры бастдзинадæй ныртæккæ пайда кæнынц нæ горæты цæрджытæй бирæтæ. Горæтæн æддейæ бастдзинад аразынмæ компани æрæджы æрывнæлдта. Ныртæккæ куыстытæ цæ-уынц горæтмæ хæстæгдæр хъæутæй сæ иуы  – Тъбеты.

«Юг-Телеком»-ы генералон дирек-тор Коцты Григори куыд зæгъы, афтæмæй куыд алы куыстуат, афтæ уы-донмæ дæр рæстæгæй-рæстæгмæ фæзыны чысыл зындзинæдтæ. Бастдзинад æмæ интернеты модификаци æппынæдзух домынц хызæджы гъæд фæхуыздæр кæнын æмæ уый æмбæлон æмвæзадыл æрæвæрын. Цхинвалы алы микрорайоны дæр кæд базæйон станцтæ ис, уæддæр хатт бахъæуы ногтæ саразын, уымæн æмæ интернеты лæггæдты тыгъдад кæны бонæй-бон фылдæр. Горæты та иуæй-иу районты цы базæйон станцтæ уыд, уыдон фарсмæ сырæзт ног кабелон хызæгтæ, уый фæстиуæгæн та фæ-хуыздæр канд интернеты гъæд нæ, фæлæ йæ мегабайтон тыгъдад дæр. Районты дæр цæмæй лæмæгъ интернет ма уа, уый тыххæй уал бацæттæ кæнын хъуыд базæйон станцты ног объекттæ.

«Тагъд æнгæс куыстытæ бакæнын-мæ ахиздзыстæм Дзауы районмæ дæр. Мах нывæндæм ацы район дæр æмткæй, кабелон интернетæй сифтонг кæнын. Нырма уал Хуссар Ирыстоны ацы районы цæрджытæ интернеты ар-хайдтой смартфонтæ æмæ модемты руаджы. Уымæ гæсгæ цæрджытæй бирæтæй куырдиæттæ цæуы нæ сæйраг офисмæ, курынц, цæмæй фæтагъд кæнæм куыстытæ æмæ сæ тагъддæр сифтонг кæнæм æнæлимитон интернетæй. Мах сын æмбарын кæнæм, проектон-тестон куыстытæ компани йæхи сæрмагонд инвестицитæй кæй æх-хæст кæны, уымæ гæсгæ чысыл къуылымпытæ кæй ис. Ныртæккæ компани «Юг-Телеком» Хуссар Ирыстоны территорийыл цы архайд кæны, уымæн æр-мæст экономикон бындур нæй. Мах фæнды æмткæй республикæйы цард фæхуыздæр кæнын. Æнæлимитон ка-белон интернеты фæрцы республикæйы районты цæрджыты царды уавæртæ æмæ фадæттæ фæхуыздæр уы-дзысты. Иннæмæй та фæзындзæн ноджы дæр кусæн бынæттæ. Ныртæккæ «Юг-Телеком»-ы кусы 20 квалификациджын специалисты, кæцыты куыстмызд у 25 мин сомы. Районты дæр куы фæзына нæ интернетбастдзинад, уæд уым дæр уыдзæн бынæттон кусджы-тæ, кæцыты нырма хъæуы сахуыр кæ-нын. Махæн, компанийæн, паддзахады æрдыгæй цæуы административон-ре-сурсон æххуыс æмæ мæ уый тыххæй уæлдай бузныг зæгъын фæнды РХИ-йы Бастдзинад æмæ коммуникациты комитетæн», – дзырдта Коцты Григори.

«Юг-Телеком»-ы кабелон интернеты генералон директор ма куыд зæгъы, афтæмæй сæ бастдзинады бауадзыны лæггæдтæ баззадысты æнæ аив-гæйæ. Бирæуæладзыгон хæдзæртты чи цæры, уыдон интернеты хахх бауадзыны тыххæй фидынц 3 900 сомы. Сæрмагонд хæдзæрттæм бауадзыны куыстытæ фылдæр кæй сты, уымæ гæсгæ сæ хицæутты бафидын хъæуы 1 мин сомы фылдæр.

Коцты лæппу ма радзырдта, ныртæккæ «Юг-Телеком» цы тарифон   плæнттимæ кусы, уыдон тыххæй. «Тарифтæ уæй цæуынц 800, 900, 1200, 1500 сомы æргътæм. Уыцы-иу рæстæджы нæ компани кусдзæнис ног проектыл дæр. Иу хызæджы фæлгæтты абоненттæн фадат уыдзæн IР-телефонæй æмæ интернет-телеуынынадæй пайда кæны-нæн».

Уый ма загъта, зæгъгæ, Цхинвал æмæ Дзауы районтæ кæд ацы аз иф-тонг æрцæудзысты, уæддæр 2020 азы та æмткæй ифтонг æрцæудзæн республикæ.

Бастдзинады ног операторы фæ-зындæн ма ис ноджы дæр иу хорздзинад: абонентон лæггæдты аргъ бафидынæн горæты бирæ рæтты фæзынд сæрмагонд терминалтæ. Ныр абоненты нал хъæуы цæуын «Юг-Телеком»-ы офисмæ.

УАЗÆГТЫ Марфа

Comments are closed, but trackbacks and pingbacks are open.