Аивгъуыйгæ азы Цхинвалы администрацийы культурæйы управлени цы куыст бакодта, уый тыххæй нын радзырдта управленийы хистæр Гаглойты Ростик. Уый куыд банысан кодта, афтæмæй управленийы куыст здæхт цыдис цæрджыты сæрибар рæстæг хуыздæр организаци кæнынмæ.
Районы ныр къорд азты дæргъы æнтысгæйæ архайынц ахæм сфæлдыстадон коллективтæ, куыд адæмон ансамбль «Амонд», фольклорон ансамбль, адæмон театр, вокалон къорд «Ирон фæндыр», «Сывæллæтты ансамбль «Малусæг». Уыдон раджы ахызтысты хæдархайгæ коллективты фæлгæттæй æмæ сын æгас республикæйы сценæмæкæсджытæ æхсызгонæй кæсынц сæ ралæудтытæм. Районы архайынц вокалон-инструменталон ансамбль «Арвы рон», сывæллæтты хореографион ансамблтæ Къостайыхъæуы, Хелцуайы, Тъбеты æмæ Дменисы Культурæйы хъæууон хæдзæртты, афтæ ма æндæр алыгъуызон хæдархайгæ аивадон къордтæ. Ивгъуыд аз карантинон мадзæлттæ баконд кæй æрцыдысты, уый фæстиуæгæн культурæйы управленийы куыст, зæгъæн ис, æрнымæгау, фæлæ уæддæр бирæ цыдæртæ арæзт æрцыдис.
Азы культурон мадзæлттæ райдыдтой ногазон бæрæгбонтæй. Хъæууон клубтæн самалчындæуыд æмæ лæвæрд æрцыд ногазон лæвæрттæ, организаци цыдысты æндæр æмæ æндæр темæтыл изæртæ, сывæллæттæн утренниктæ, концерттæ. Тъбеты Культурæйы хъæууон хæдзары Цхинвалы районы сывæллæттæн ауагъд æрцыд ногазон карнавал. Сыгъдæг Валентины бон Культурæйы хъæууон хæдзæртты ауагъд æрцыдысты эстрадон концерттæ. Районы централон библиотекæйы кусджытæ сорганизаци кодтой мадзал «Уарзæтты бон», зæгъгæ.
Фыдыбæстæ хъахъхъæнæджы боны цытæн хъæууон клубты организаци æрцыдысты фембæлдтытæ æфсæддон службæгæнджытимæ. Сфæлдыстадон коллективтæ концерттæ равдыстой арæнхъахъхъæнджыты заставæты.
8-æм марты бæрæгбоны районы æппæт клубты дæр сорганизаци кодтой бæрæгбонон мадзæлттæ. Сæ хайадисджытæн балæвар кодтой зæрдылдарæн лæвæрттæ. Афтæ ма хæрзаудæн концерт æвдыст æрцыд киноконцертон зал «Чермен»-ы РХИ-йы адæмон артисткæ Æлборты Шоренæйæн баххуыс кæныны тыххæй.
Фыццæгæм апрелы – Юмор æмæ худæн боны районы культурæйы объектты уагъд æрцыдысты юмористон мадзæлттæ. Сфидаргонд традицимæ гæсгæ хæрзаудæн акци уагъд æрцыд пансионат «Аудындзинад»-ы.
Августы мæйы Мацхвары кувæндоны территорийыл ауагъд æрцыд ма-дзал «Æртæ халы», кæцыйы бындурыл республикæйы паддзахадон телерадиокомпани систа документалон фильм. Августы мæйы ма адæмон ансамбль хайад райста уазæгдон «Ирыстон» гом кæныны церемонийы.
Октябры мæйы Джеры дзуары территорийыл организаци æрцыд мадзал «Табуйаг сты нæ рухс кувæндæттæ», зæгъгæ, цыран хайад райстой уазджытæ æгас Цхинвалы районæй. Хетæгкаты Къостайы райгуырдыл 161 азы сæххæсты бон. Культурæйы управленийы минæвæрттæ веноктæ сæвæрдтой йæ цырты раз.
Аивгъуыйгæ азы культурæйы управленийы сфæлдыстадон коллективтæ равдыстой цыппар концерт æмæ дыууæ спектаклы.
Районы культурæйы объектты материалон-техникон базæйы уавæры тыххæй дзургæйæ, Гаглойты Ростик банысан кодта, хъæстаг кæй нæу, уый. Фæлæ уæддæр нырма цалцæг не ‘рцыд Дменисы культурæйы хæдзар, нæ фаг кæнынц культурæйы хъæууон хæдзæртты сфæлдыстадон коллективтæн сценикон дарæс. Культурæйы управленийы службæйон машинæтæн сæ эксплуатацийы æмгъуыд кæй ацыд, уымæ гæсгæ сæ цалцæг кæныныл хардз цæуы бирæ æхцайы фæрæзтæ. Нæма аскъуыддзаг адæмон ансамбль «Амонд»-æн штаттæ рахицæн кæныны фарст. Раздæрау артисттæн се ‘мбис кусынц æрдæг штаттыл æмæ сæ куыстмызд цъус кæй у, уымæ гæсгæ кадрты ивылынад у бæрзонд. Афтæмæй та ацы ансамбль у республикæйы сæйрагдæр сфæлдыстадон коллективтæй сæ иу, кæцы аккагæй равдисы нæ республикæйы цæсгом йæ арæнтæн æддейæ дæр, у бирæ Æппæтуæрæсейон æмæ дунеон фестивалты лауреат æмæ призер. Зæгъæн ис, «Амонд»кæй у кадрты куырдадз «Симд»-æн
2020 азæн сæйраг мадзæлтты планмæ хаст организацион фарстатæм гæсгæ рæстæгыл бацæттæ чындæуыд зымæджы хъармгæнæн сезонмæ, бакуыстæуыд бынæттон периодикон мыхуыр рафыссыныл, районы администрацийы коллегимæ рахаст æрцыдысты культурæйы объектты материалон-техникон базæйы уавæры тыххæй фарстатæ.
БЕСТАУТЫ Валя
Comments are closed, but trackbacks and pingbacks are open.