Уæрæсейы Федерацийы Президент Владимир Путин раарфæ кодта Республикæ Хуссар Ирыстоны Президент Тыбылты Леонидæн æрбалæугæ Ног азы æмæ Чырыстийы Райгуырды боны цытæн.

Арфæйы дзырдæуы:

«Цытджын Леонид Харитоны фырт.

Зæрдиаг арфæтæ дын кæнын æрцæуинаг Ног аз æмæ Чырыстийы Райгуырды боны цытæн.

Ацæугæ азы махæн бирæ бантыст æмцæдисдзинад æмæ интеграцийы фæдыл бадзырды уагæвæрдтæ сæххæст кæныны сæраппонд, æмæ уый та ахъаз уыди уæрæсейаг-хуссарирыстойнаг æмахастыты дарддæры рæзтæн, афтæ ма регионы сабырдзинад æмæ æдасдзинад æрфидар кæнынæн.

Фидарæй мæ уырны, мах кæй адарддæр кæндзыстæм нæ куыст, нæ дыууæйæн дæр пайда чи у, нæ бæстæты æхсæн, уыцы бастдзинæдтæ райрæзын кæныны сæраппонд.

Мæ цæст дын уарзы, цытджын Леонид Харитоны фырт, фидар æнæниздзинад æмæ æнтыстытæ, Хуссар Ирыстоны æппæт адæмæн та  хæрзиуджытæ æмæ дидинæфтыд.

Ацы æрмæджытæ дæр бакæс:

Ногазон арфæтæ Ногазон арфæтæ Default ThumbnailАрфæтæ куадзæны боны цытæн Default ThumbnailРХИ-йы Хицауады Сæрдар Пухаты Эрикы ногазон арфæтæ Default ThumbnailАрфæтæ Стыр Уæлахизы боны цытæн

Comments are closed, but trackbacks and pingbacks are open.