РХИ-йы Президент Бибылты Анатоли хайад райста, Хъæрæсе-Черкесийы Республикæ Уæрæсейы Федерацийы сконды кæй ис, ууыл 25 азы кæй сæххæст, уый цытæн бæрæгбонон мадзæлтты. Черкесийы  цытджын мадзалы раныхасы рæстæджы Бибылты Анатоли банысан кодта юбилейон боны нысаниуæг.

«Адæмы демократон фæндон сбæрæг кодта республикæйы фидæн. 25 азы фаг рæстæг у Хъæрæсе-Черкесийы паддзахадон проекты æххæст æнтыстæн æмбæлон аргъ скæнынæн. Республикæйы царды абоны  ныв цæстуынгæ æвдисæн у фæсæттæн рæстæджы райсгæ уынаффæйы рæстдзинадæн», – банысан кодта Президент.

Бибылты Анатоли зæрдыл æрлæууын кодта, зæгъгæ, Хъæрæсе-Черкесийы адæмæн ис, аргъ кæмæн нæй, ноджыдæр иу ахæм хъæздыгдзинад – Кавказы æмæ æппæт Уæрæсейы адæмты æфсымæрон хæлардзинад. Кавказимæ æмæ Уæрæсеимæ ахæм æфсымæрон ахастытæ ис Хуссар Ирыстонæн дæр.

«Уæрæсейы адæмты цæдис, кæцытæ иугонд сты сæ нысаниуæгджын бирæгъуызондзинадæй, арæзт цыд æнусты дæргъы. Уыцы стыр иумиагдзинадимæ Уæрæсейы ивгъуыд, нырыккон дуг æмæ фидæнимæ æнгомæй хайадист æнкъарынц Хуссар Ирыстоны адæм дæр. Ирыстоны  фæндаг равзæрстой нæ фыдæлтæ æмæ йыл цæудзыстæм кæронмæ, цæрæнбонтæм, уыцы равзæрст фæндагыл кæддæриддæр иузæрдион уыдзысты нæ адæм», – загъта Президент.

Уый раарфæ кодта Хъæрæсе-Черкесийы адæмæн республикæйы 25 азы бæрæгбоны цытæн æмæ сын загъта амонд, сабырад æмæ дидинæфтыды фæндиæгтæ.

Хъæрæсе-Черкесийы бæрæгбонон мадзæлтты хайад райстой Цæгат-Кавказы федералон зылды Уæрæсейы Федерацийы Президенты Æххæстбарджын минæвар Олег Белавенцев, Цæгат Кавказы хъуыддæгты фæдыл Уæрæсейы Федерацийы министр Лев Кузнецов, Республикæ Цæгат Ирыстон-Аланийы Сæргълæууæг Битарты Вячеслав, Мæхъæлы Республикæйы Сæргълæууæг Юнус-Бек Евкуров, Адыгейы Республикæйы Сæргълæууæг Мурат Кумпилов, Хъалмыхъты Республикæйы Сæргълæууæг Алексей Орлов, Ставрополы крайы губернатор Владимир Владимиров, Республикæ Хъырымы Сæргълæууæг Сергей Аксенов, Кæсæг-Балхъарты Республикæйы Сæргълæууæг Юри Коков.

Уазджытæ хайад райстой физкультурон-æнæнизгæнæн комплексы баконды цытджын церемонийы, бакастысты Хъæрæсе-Черкесийы Республикæйы сфæлдыстадон коллективты æмæ солистты æмæ уæрæсейаг эстрадæйы стъалыты концертон программæмæ. Черкесскы централон парчы уазджытæ ныссагътой бæлæстæ, алкæцы бæласыл дæр конд ис, бæрæгбонмæ æрцæуæг делегациты сæргълæуджыты нæмттимæ табличкæтæ.

Республикæ Хуссар Ирыстоны Президенты пресс-службæ

Ацы æрмæджытæ дæр бакæс:

НÆ ТЫХ – ИУДЗИНАДЫ, НÆ ХЪЫСМÆТ – УÆРÆСЕИМÆ Default ThumbnailБузныг æфсымæрон æххуысы тыххæй Default ThumbnailРеферендум/ Фæстæдæр байрæджы уыдаид Стратегион иртасынæдты уæрæсейаг институты Тыбылты Леониды доклад «Кавказы Уæрæсейы геополитикон позицитæ сфидардæр кæныны Хуссар Ирыстоны нысаниуæг» Default ThumbnailРеспубликæ Хуссар Ирыстоны Парламенты Уынаффæ

Comments are closed, but trackbacks and pingbacks are open.