Фæсивæд æмæ студентты Æппæтдунеон фестивалы Сочийы Хуссар Ирыстонæй архайынц 70 активон ӕвзонг адæймаджы. Командæйы сконды сты, фæсивæдон организаци  æмæ ХИПУ-йы студенттæ. Уыдонӕн уыд рæстæг фестивалмæ сæхи бацæттæ кæнынæн. Фестивалы  æдæппæт хайад исынц 20 000 æвзонг адæймаджы бæрц дунейы 150 бæстæйæ. Иу фæзуатмæ æрæмбырд сты 18-35 кары фæсивæдон раздзогтæ хицæн фадгуытæй – журналистикӕ, спорт, сфæлдыстад, информацион технологиты специалисттæ, фæсивæдон организациты æмæ политикон партиты разамонджытæ, æвзонг ахуыргæндтæ æмæ амалиуæггæнджытæ.

Мадзалӕн ис хъæздыг нывæзт – уадзынц лекцитæ, дискусситæ актуалон фарстытыл, спортивон ерыстæ, культурон мадзæлттæ. Бæрæг куыд у, афтæмæй фестивалы сæйраг темæтæ сты: “Культурæ æмæ глобализаци”, “Глобалон экономикæ”, “Зонындзинæдты экономикæ”, “Ӕхсæнадон институтты райрæзт”, “Политикæ æмæ æхсæнадæмон æдасдзинад”. Уымæй дарддæр ма, мадзалы алкæцы бон дæр дзурдзысты дунейы хицæн æмæ хицæн регионтыл. Балхынцъ æй кæндзысты Уæрæсейыл уынаффæйы бонæй. Фестивалы кусæгон æвзæгтыл нымад цæуынц ИНО-йы 6 официалон æвзаджы: англисаг, арабаг, испайнаг, китайаг, уырыссаг æмæ французаг. Фæсивæд æмæ студентты æппæтду-нейон фестиваль Уæрæсейы уагъд цӕуы ныр ӕртыккаг хатт. Фыццаг дыууæ хатты мадзал УФ территорийыл уагъд æрцыд 1957 æмæ 1985 æзты.

 

 

Ацы æрмæджытæ дæр бакæс:

Фæсивæдон форумы хайадисджытæ радзырдтой сæ тæлмæнты тыххæй Фестивалы хайадисджытæ равдыстой сæ тæлмæнтæ Фæсивæдмæ ис идеятæ, проекттæ Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.