Президент Бибылты Анатоли Стыр Фыдыбæстæйон хæсты ветеран Джергаты Виссарионæн радта зæрдылдарæн нысан «75 лет Победы в Сталинградской битве».

Зæрдылдарæн нысан ветеранæн æрæрвыста Волгограды областы губернатор Андрей Бочаров.

Бибылты Анатоли хорзæхы тыххæй раарфæ кодта Джергаты Виссарионæн, Стыр Уæлахизмæ  Сталинграды тохы хайадисæджы стыр хайбавæрд банысан кæнгæйæ.

«Стыр бузныг дын, сабыр фидæны,  Райгуырæн бæстæйы дидинæфтыды, нæ фæстагæтты фæрныджы сæраппонд де сгуыхтдзинæдты тыххæй. Мæ зæрдæ дын зæгъы æнæниздзинад, хъæлдзæгдзинад æмæ фæрныгад», – загъта Президент.

Æхсæнадон организаци «Алани»-йы сæрдары хæдивæг Багаты Геннади бакаст, Волгограды областы губернатор цы арфæйы фыстæг æрæрвыста, уый.

«Сталинграды хъахъхъæнджыты сгуыхтдзинад цæрæнбонтæм фыст æрцыд Стыр Уæлахизты историйы æмæ у советон адæмы фидар удыхъæды æмæ æгæрон хъæбатырдзинады символ.

Сталинграды тох æрымысгæйæ, мах нæ сæртæй ныллæг кувæм райгуырæн зæхх хъахъхъæнджыты æхсардзинады, удуæлдайдзинады, хæдбардзинады æмæ сæрибаруарзондзинады раз. Стыр бузныг уын уæ æнæмæлгæ хæстон æмæ фæллойадон сгуыхтдзинæдты тыххæй», – дзырдæуы Андрей Бочаровы арфæйы фыстæджы.

РХИ-йы Президент æмæ

Хицауады пресс-службæ  

Ацы æрмæджытæ дæр бакæс:

Default ThumbnailДÆ ЦÆСТ АХÆСС ДУНЕЙЫЛ Default ThumbnailСталинграды тохты Ирыстонæй чи фæмард сты, уыдонæн цырт байгом уыдзæн Мамаев курганы Default ThumbnailСæ куыст – æмбæстæгты бартæ æмæ царды уавæртæ хуыздæр кæнын Уынаффæ кодтой дыууæфарсон æмгуысткæнынады рæзты перспективæтыл ТЪЕХТЫ Алан: «Форумы хайад кæй райстам, уый нын радта, фыдыбæстæйон экономикæйы рæзты ног фадæттæ»

Comments are closed, but trackbacks and pingbacks are open.