11 ноябры Республикæ Хуссар Ирыстоны æмæ Сирийы Арабаг Республикæйы нывгæнджытæ хайад райстой нырыккон аивад «Аивæдты Уæрæсейаг къуыри»-йы XXI-æм дунеон равдысты, кæцы æрæмбырд кодта арт-объектты нæ адæмæн ног актуалон темæйæ — «Аивад ивындзинæдты дуджы». Республикæ Хуссар Ирыстоны Культурæйы министрады æмæ Республикæ Хуссар Ирыстоны минæварады æххуысæй нæ бæстæйы номæй дунеон аивадон фæзуаты хайад иста зындгонд ирон нывгæнæг Гобрзты Владимир.

Уæрæсейы Федерацийы Республикæ Хуссар Ирыстоны Уæлвæткон æмæ æххæстбарджын минæвар Гасситы Знауыр арфæйы ныхас загъта равдысты организатортæ æмæ хайадисджытæн, афтæ раарфæ кодта Хуссар Ирыстоны номæй организатортæн, хайадисджытæн æмæ уазджытæн дæр. Минæвар ма Хуссар Ирыстоны адæмы номæй раарфæ кодта Сирийы Арабаг Республикæйы делегацийæн, йæ сæргъ минæвар Риад Хаддад, афтæмæй. Уый сириаг адæмæн загъта ныфсы ныхæстæ æмæ банысан кодта аивады иугæнæг фактор, йæ фидауынгæнæн нысаниуæг дунейы. Гасситы Знауыр зæрдыл æрлæууын кодта, Хуссар Ирыстон æмæ Сирийы адæмтæн Уæрæсейы æххуысы тыххæй, кæцыйæн нæй саргъгæнæн.

«Иттæг хорз у, мах ногæй кæй æрæмбырд кодта Уæрæсе, кæцыимæ махæн иууылдæр историон æгъдауæй ис хæларадон ахастытæ. Аивад иу кæны. 2008 азы Марининаг театры оркестр маэстро Гергиты Валерийы разамындæй Цхинвалы радта концерт-реквием, чи басыгъд, уыцы Парламенты бæстыхайы асинтыл. Ацы аз та дунейыл зындгонд коллектив концерт радта ссæрибаргонд Пальмирæйы.

Уæрæсе ахъаз кæны дунейы адæмты ‘хсæн сабырад æмæ хæлардзинад фидардæр кæнынæн æмæ абоны мадзал дæр у уымæн ноджыдæр иу æвдисæн, уымæн æмæ культурæ, ныртæккæ дзырд цæуы хуызфыссынады аивадыл, у иугæнæг фактор».

Гаситы Знауыр æрæмбырдуæвæг уазджытæн базонгæ кодта зындгонд ирон нывгæнæг Гобозты Владимиры æмæ бузныг загъта ацы культурон мадзалы организатортæн – аивæдты Уæрæсейы Академийы академик Иван Казанский æмæ «Аивæдты Уæрæсейаг къуыри»-йы генералон директор, Аивæдты дунеон фонды Уæрæсейаг хайады президент Федор Фильковæн: «Нырыккон аивады XXI-æм дунеон равдыст-конкурс у пайдайаг мадзал, кæцыйы традицион æгъдауæй хайад райсы Хуссар Ирыстон. Нæ зынаргъ нывгæнджытæ, мæ цæст уын уарзы уæлтæмæнад, равдыстæн та йæ дарддæры рæзт æмæ йæ цæмæй нымайой æппæт хуыздæр дунеон фæзуæттыл, йæ хайадисджытæн æмæ равдыстмæ бацæуджытæн та  — хорз сфæлдыстадон зæрдæйыуаг æмæ æнæферохгæнгæ тæлмæнтæ».

«2016-осень»-ы сезоны Аивæдты Уæрæсейаг къуырийы ахсджиагдæр аспект у Уæрæсейы иууыл стырдæр æхсæнадон баиугæндтæ – Уæрæсейы Нывгæнджыты цæдис, Уæрæсейы Нывгæнджыты сфæлдыстадон цæдис, нывгæнджыты Мæскуыйы цæдис æмæ къорд регионалон баиугæндты секциты къухдариуæггæнджыты Экспертон Советы (жюрийы) хайадист.

Йæ организатортæ сты аивæдты Дунеон фонд «Фидæны аивады» фонд (уæрæсейаг хайад),  «Фидæны аивад»-ы продюсерон центр.

Патронат: Европæйаг Авадон цæдис.

Адрес: «АРТ ПЛЕЙ»-ы дизайны дунеон центр, г. Мæскуы,  Нижняя Сыромятническаяйы уынг, 10-æм хæдзар, 7 арæзтад, «Чысыл зал».

Равдыст аххæсдзæн 17 ноябрмæ.

Comments are closed, but trackbacks and pingbacks are open.