29-æм сентябрæй 2-æм октябрмæ Хæххон-Карабахы Республикæйы горæт Степанакерты уагъд æрцыд Арцахы экономикон форум, кæцы баст уыд Арцахы Инвестицион фонды архайдыл 10-азы сæххæсты бонимæ. Форумы организатортæ уыдысты Арцахы Инвестицион фонд, Республикæ Сомихстоны Базарадон-сæудæджерадон палатæ æмæ кампани «Инвестор». Форумы куысты хайад райстой РХИ-йы Парламенты Экономикæ, чысыл амалиуæгады æмæ хъæууон хæдзарады фæдыл комитеты сæрдар Джиоты Инал, РХИ-йы Экономикон рæзты министр Кокойты Геннади æмæ Фæсарæйнаг хъуыддæгты министрады барадон управленийы уынаффæгæнæг Цицерон Хаханов.

Хуссар Ирыстонæй дарддæр ма конференцийы, кæцы ацыд «Республикæ Арцахы инвестицион политикæ, паддзахадон-хисæрмагонд партнерондзинад куыд бæстæйы экономикæйы глобалон рæзты бындур»-ы девизы бын, хайад райстой Уæрæейы Федерацийы, Приднестроваг Молдоваг Республикæ, АИШ æмæ Гуырдзыстоны делегацитæ. Æрæмбырдуæвджыты раз арфæйы ныхæстимæ ралæууыд Республикæ Арцахы паддзахадон министр, Инвестицион фондыл æрмдарджыты советы сæрдар Араик Арутюнян. Уый банысан кодта, зæгъгæ, Инвестицион фонды ахсджиаг мисситæй иу у экономи-кæйы æнцонвадат финансон фæрæзтæй сифтонг кæнын, бангты радтгæ кредиттæн процентон æвæрдтыты субсидитæ саразын.

«Иумиаг мидæггагон продукцийы 8-10% рæзты æрвылазон ифтонгады фонды роль уыд стыр, æмæ 2017 азы æппæт сæххæстгонд  куыстыты  руаджы Арцах, прогнозтæм гæсгæ, сараздзæн иумиаг мидæгаггон продукцийы рекордон рæзт — 15%», — банысан кодта Арутюнян. Конференцийы ма раныхас кодтой Приднестроваг Молдоваг Республикæйы премьер-министры хæдивæг Алексей Цукан æмæ РХИ-йы Экономикон рæзты министр Кокойты Геннади. Конференцийы пленарон хай фæуыны фæстæ отель YaIIex Garden-ы уыдысты секцион рабадтытæ. Тымбыл фынгты фарсмæ уагъд æрцыдысты уынаффæтæ, кæцыты рæстæджы хæдзариуæггæнæг субъекттæн фадат уыд Арцахы инвестицон потенциалимæ базонгæ уæвынæн æмæ æмгуыстады фарстытыл æруынаффæ кæнынæн.

Джиоты Иналы ныхæстæм гæсгæ, форум уагъд æрцыд иууыл бæрзонддæр æмвæзадыл, хайад дзы райстой Мæскуы, АИШ, Гуырдзыстоны æппæт сомихаг диаспорæты делегаттæ. «Уæвынад кæны Арцахы Инвестицон фонд, кæцы æххуыс кæны æвзонг бинонтæн, уымæй дарддæр ма фондæн ис йæхи филиалтæ-организацитæ, кæцытæ дзуапп дæттынц нарæг здæхтыты: хъæууон хæдзарад, социалон фарстытæ, фæсивæдон политикæ, ипотекон кредит. Ацы аз фондыл сæххæст 10 азы æмæ форумы æрдзырдæуыд йе ‘нтыстытыл. Уыдон баххуыс кодтой 967 бинонтæн фатертæ самал кæныны, суммæйы 20% фонд фыста йæ-хæдæг, æмæ 80% суммæ та  сты æнæпроцентон кредит. Форумы хайад райстой 300 адæймаджы бæрц. Махæн ма фембæлд уыд Хæххон Карабахы паддзахадон министр Араик Арутюнянимæ», — банысан кодта уый.

Уымæй дарддæр ма, парламентари куыд фехъусын кодта, уымæ гæсгæ хуссарирыстойнаг делегацийæн фембæлдтытæ уыд Хæххон Карабахы Республикæйы Парламенты депутаттимæ, цыран æруынаффæ кодтой экономикон характеры къорд фарстыл. Делегацийы уæнгтæ ма бацыдысты ацы республикæйы Хæххонхъæздыггæнæн фабрикæмæ, цыран кусы 1300 адæймаджы бæрц. «Мах ныртæккæ кусæм нæ фæндæттыл æмæ фарстытыл, уый фæстæ нын официалон фембæлд уыдзæн Хæххон Карабахы Республикæйы минæвæрттимæ. Нæ республикæты ‘хсæн æмгуыстад уыдзæн базарадон фадыджы. Уыдоны фæнды немæ æмгуыстад кæнын, фæлæ нырма фæрстæ хъуамæ бакусой æппæт фарстытæ дæр», — банысан кодта Джиоты Инал.

РХИ-йы Парламенты

информацион-аналитикон службæ

Comments are closed, but trackbacks and pingbacks are open.