Æрвылаз дæр Республикæ Хуссар Ирыстоны скъолаты æмæ уæлдæр ахуыргæнæндæтты ахуыргæнджытæн уагъд æрцæуынц квалификаци бæрзонддæргæнæн курсытæ. Курсытæ рацæуынц дæсгай специалисттæ, куыд нæ республикæйы территорийыл, афтæ уымæн æддейæ дæр. Квалификаци бæрзонддæргæнæн институты кусджытæ бацархайынц æмæ курсытæ ауадзынц нæ республикæйы ахуыргæнджытæн. Куыд иннæ азты, афтæ та ацы аз дæр курсытæ æмæ семинартæ уагъд æрцыдысты æмæ ныр дæр уагъд цæуынц нæ республикйы сæдæгай ахуыргæнджытæн. РХИ-йы Ахуырады æмæ зонады министрады цур квалификаци бæрзон-дæргæнæн институты директор Къæбулты Заирæ нын бæстондæрæй радзырдта курсыты тыххæй. «Ныр дыккаг бон курсытæ уагъд цæуынц нæ республикæйы ахуырадон уагдæтты директортæ æмæ ахуыры хайы сæргълæу-джытæн. Курсытæ сын уадзынц Цæгат Кавказы Федералон университеты юридикон институты специалисттæ. Афтæ ма уыцы-иу рæстæджы тренингтæ уагъд цæ-уынц физикæ, хими æмæ математикæйы ахуыргæнджытæн. Иумиагæй сисгæйæ, РХИ-йы ахуырадон æмæ зонадон-методикон характеры мадзæлттæ уадзыны фæлгæтты азы дæргъы республикæйы скъолаты, ХИПУ æмæ Цхинвалы бирæпрофилон колледжы ахуыргæнджытæн уагъд фæцæуынц методикон мадзæлттæ, семинартæ, кæрæдзийæн фæлтæрддзинад бацамоныны фæдыл тымбыл фынгтæ, курсытæ, консультацитæ. Ацы аз 29 – 31 августы курсытæ уагъд цыдысты физкультурæ, цардархайды æдасдзинад бахъахъхъæныны, информацион-ком-муникацион технологиты ахуыргæнджытæн. Курсытæ уагъд цыдысты 6-æм астæуккаг скъолайы. Уæрæсейаг специалистты ‘хсæн уыд профессор Виктор Лу-кьяненко. Уый лæмбынæг радзырдта физикон цæттæдзинады къабазы цы ногдзинæдтæ фæзынд, уыдоны тыххæй. Афтæ ма Мæскуыйы уæлдæр ахуыргæнæндæтты уырыссаг æвзаг æмæ литературæйы кафедрæйы доценттæ лекцитæ кастысты ацы предметы ахуыргæнджытæн. Нырма уал лекцитæ кастысты районты скъолаты ахуыргæнджытæн, уый фæстæ та горæты скъолаты ахуыргæджытæн.
Адæмты хæлардзинады Уæрæсейаг университеты æхсæнкультурон коммуникациты кафедрæйы доцент Анатолий Тряпельников куыд банысан кодта, уымæ гæсгæ сæм катайдзинад æвзæрын кæнынц нырыккон уырыссаг æвзаджы къорд проблемæйы, куыд Уæрæсейы, афтæ уымæн æддейæ дæр. Йæ ныхæстæм гæсгæ, æнæмæнгхъæуæг у ахуыргæнджыты цæттæдзинады æмвæзад фæбæрзонддæр кæныны тыххæй «уырыссаг» æвзаджы ахуыр кæныны гъæды æмвæзад фæбæрзонддæр кæнын. Уæрæсейаг профессортæ æрцыдысты сæхи программæ æмæ хъуыдытимæ. Азы кæронмæ курсытæ уагъд цæудзысты англисаг æвзаг, уырыссаг æвзаг æмæ литературæйы, райдиан кълæсты æмæ географийы ахуыргæнджытæн, æдæппæтæй 160 адæймагæн. Афтæ ма уырыссаг æвзаджы курсытæ ауадзыны тыххæй Хуссар Ирыстонмæ æрцæудзæн Адæмты хæлардзинады Уæрæсейы университеты лекторты къорд. Сентябры мæйы Цхинвалы бирæпрофилон колледжы ахуыр-гæнджыты иу къорд стажировкæ рацыдыдысты горæт Пятигорскы Сервис, туризм æмæ дизайны институты базæйыл (Цæгат Кавказы Федералон университеты филиал). Хуссар Ирыстоны ахуыргæнджытæн ацы проекты фæлгæтты фадат ис, республикæйæн æддæмæ нæ ацуæгæйæ, конференциты хайад райсынæн», – загъта Къæбулты Заирæ.
Æрæджы нæ республикæмæ Цæгат Кавказы Федералон зылды университеты специалисттæй æрцыдысты аст адæймаджы. Скъолаты директортæ æмæ ахуыры хайы сæргълæуджытæн лекцитæ бакаст юридикон зонæдты кандидат, зонадон куысты фæдыл Цæгат Кавказы Федералон университеты юридикон институты директоры хæдивæг Максим Трофимов. Уый нын афтæ радзырдта: «Хуссар Ирыстоны кусæм Уæрæсейы Федерацийы Ахуырады министрады паддзахадон хæслæ-вæрды фæлгæтты. Нæ куыст райдыдта ахуырады тыххæй закъоны проект бацæттæ кæнынæй. Проект у цымыдисон, хуыйны уæрæсейаг ахуырады хуыздæр практикæ. Проект цæттæ цыд дыууæ азы дæргъы, уынаффæ йыл кодтам УФ-йы Ахуырады министрады дæр. Реализаци йæ райдыдтам ацы аз æмæ æххæст цæудзæн æввахсдæр азты дæр. Уый баст у ацы азы куысты фæстиуджытимæ, фæлæ иумиагæй проект тынг пайда фæуыдзæн ахуырады къабазы кусджытæн. Цæгат Кавказы Федералон университеты æмæ РХИ-йы Ахуырады министрад æрмæст курсытыл не ‘рлæудзысты. Не ‘хсæн къухтæ фыст æрцыдысты æмгуыстады тыххæй къорд документтыл. Ис нын æмархайды фæндагон картæ. Сæрмагондæй, университет æххуыс кæны нормативон-сфæлдыстадон куысты, афтæ ма цæттæ у хуссарирыстойнаг абитуриентты магистратурæмæ бацæттæ кæнынмæ æмæ сæ диссертацитæ бахъахъхъæнынæн баххуыс кæнынмæ». Уый ма куыд банысан кодта, уымæ гæсгæ РХИ-йы Ахуырад æмæ зонады министрады куырдиатмæ гæсгæ, Хуссар Ирыстоны скъолайы кары агъоммæйы уагдæт-ты ахуыргæнджытæн та курсытæ уагъд æрцæу-дзысты 2019 азы.
Банысан кæнын хъæуы уый дæр, курсытæ æмæ семинарты сæ квалификаци чи фæбæрзонддæр кæны, уыцы ахуыргæнджытæн лæвæрд кæй æрцæуынц сертификаттæ.
ДЖИОТЫ Екатеринæ
Comments are closed, but trackbacks and pingbacks are open.