Хуссар Ирыстоны уæрæсейаг æмфыдыбæстæйонты минæвæрттæ хайад райстой Уæрæсейы Федерацийы историон бынæттæм ахуыр-хъомыладон балц «Здравствуй, Россия!»-йы. Делегацийы къухдариуæггæнæг  æхсæнадон организаци «Россы»-йы сæрдары хæдивæг Надежда Рассохина, куыд ра-дзырдта афтæмæй 14-18 аздзыдтæ æххæстцæуæг проекты фæлгæтты базонгæ сты Мæскуыйы фенддаг бынæттимæ.

«Балцы хайад райстой 18 хуырдзауы Цхинвалы 2-аг астæуккаг скъолайæ, Гимназ «Рухс», скъола «Альбион», афтæ ма Республикæйы Ленингоры районы скъолатæй, — загъта Рассохина —  Сывæллæттæ сæхи равдыстой тын хорз, ирон адæмон кафтытæ цы равдысты сæххæст кодтой, уый тыххæй систы хорз ныхæсты аккаг».

Рассохина банысан кодта, зæгъгæ проекты хайад райстой 30 бæстæйы минæвæрттæ.

«Махæн организаци æрцыд экскурси уæрæсейаг сæйраг горæты фенддаг бынæттæм, мах бабæрæг кодтам Мæкуыйы музей, Третьяковы галерея, Уæлахизы Парк, Хæцæнгæрзты паддзахадон палатæ, киноконцерн «Мосфильм», «Коломенское»-йы цæрæнуат, Александровы дыргъдон æмæ æндæр цымыдисон бынæттæ. Сывæллæттæ баззадысты райгондæй, сæ балцы рæстæджы схайджын сты иттæг ирд æмæ зæрдыллæугæ мысинæгтæй. Æмæ уый тыххæй нæ бон нæу бузныг ма зæгъæм Хуссар Ирыстоны “Россотрудничество”-йы минæварады къухдариуæггæнæг Михаил Степановæн. Уый хайадисты фæрцы не ‘мбæстæгтæн лæвæрд æрцыд уæрæсейаг сæйраг горæты историон бынæттæ фенынын фадат», — загъта Рассохина.

Уый ма йæ ныхасмæ бафтыдта, зæгъгæ Хуссар Ирыстоны сывæллæттæ бацымыдис кодтой иннæ делегациты къухдариуæггæнджыты сæ хъомылдзинад æмæ се ‘ гъдауæй.

«Æхсызгон нын уыд, нæ сывæллæттæй ахæм æппæлæн ныхæстæ фехъусын, — загъта Рассохина. — Нæ республикæйаг сывæллæттæ ссардтой бирæ хæлæрттæ, иннæ бæстæты ми-нæвæртты ‘хсæн сæхи æвдыстой активон æмæ æмткæй сæхи равдыстой тынг хорз».

Уæрæсейы Федерацийы историон бынæттæм ахуыр-хъомыладон балцы «Здравствуй, Россия!» æххæст цæуы «Россторудничесво»-йы фæрцы 2014 азæй фæстæмæ фæсарæнты нæ æмфыдыбæстæйонты хъуыддæгты фæдыл Хицауадон къамисы хаххыл. Хайад дзы исынц уæрæсейаг æмфыдыбæстæйонты сывæллæттæ 14-18 аздзыды онг æмæ свæййынц Уæрæсейы истори æмæ культурæйы конкурсты уæлахиздзаутæ. Æрвылаз хæстæг æмæ дард фæсарæнтæй Уæрæсемæ æрцæуынц 700 æрыгон специалистæй фылдæр.

Comments are closed, but trackbacks and pingbacks are open.