Республикæ Хуссар Ирыстоны делегаци, йæ сæргъ РХИ-йы Президент, афтæмæй хайад райста Донецкы æмæ Луганскы Адæмон Республикæтæ расидыныл 5 азы сæххæсты сæраппонд цытджын мадзæлтты

ДОНЕЦК

Делегацийы сконды уыдысты РХИ-йы Уæлдæр тæрхондоны Сæрдар Коцты Олеся, Фæсарæйнаг хъуыддæгты министр Медойты Димитр, Хъахъхъæнынады министр Гасситы Ибрагим, Мидхъуыддæгты министр Наниты Игорь, Парламенты депутат Плиты Александр.

Мадзалы фæлгæтты РХИ-йы делегаци хайад райста Донецкы Адæмон Республикæйы Сæргълæууæг Александр Захарченкойы номыл мемориалон фæйнæг байгом кæныны мадзалы, кæцы конд æрцыд Донецкы, цы скъолайы ахуыр кодта, уым. Ныртæккæ скъолайы архайы Александр Захарченкойы номыл кадетон корпус.

***

Донецкы Адæмон Республикæ расидыныл фондз азы сæххæсты сæраппонд цытджын æмбырды ныхас кæнгæйæ, Бибылты Анатоли банысан кодта «уырыссаг дунейы» интересты иумæйагдзинад, кæцымæ УФ-имæ хауынц Донецкы Адæмон Республикæ, Луганскы Адæ-мон Республикæ, Хуссар Ирыстон æмæ Абхаз.

«Ис ахæм проект, ахæм æмбарынад, куыд «уырыссаг реактор». Советон Цæдисы фехæлды фæстæ «уырыссаг реактор» лæмбынæг цалцæг куы æрцыд, йæ сæйраг инженер УФ-йы Президент командæ куы радта уыцы «уырыссаг реактор»-ы скусыны тыххæй, уæд уый 2008 азы скуыста Хуссар Ирыстоны. Хуссар Ирыстон æмæ Абхаз рамбылдтой «уырыссаг дунейы» хуссар фронт. Ныртæккæ уыцы фронт ахызт скæсæны ‘рдæм, æмæ мах иууылдæр, Абхаз, Хуссар Ирыстон, æмæ кæй зæгъын æй хъæуы, Уæрæсе, Донецкы Адæмон Республикæ æмæ Луганскы Адæмон Республикæ уыцы фронты æнæмæнгдæр хъахъхъæндзыстæм, нæ зынгæ фыдæлтæ – советон салдаттæ куыд бакодтой, афтæ», – загъта Президент.

Бибылты Анатоли банысан кодта «Донецкы Адæмон Республикæйы фыццаг Сæргълæууæг Александр Захарченко сæрибардзинад, рæстдзинад æмæ хæдбардзинадыл тохæн  бындур кæй æрæвæрдта æмæ абоны бон Денис Пушилин кæй æвварс у, уый кæй, æркæндзæн ахæм фæстиуæгмæ, æмæ Донецкы Адæмон Республикæ нымад æрцæудзæн УФ-йы сконды.

Донецкы Адæмон Республикæйы Сæргълæууæг Денис Пушилин Бибылты Анатолийы схорзæхджын кодта Республикæйы орденæй.

Афтæ ма уагъд æрцыд фæсарæйнаг делегациты сæргълæуджыты суагъæйон фембæлд Донецкы Адæмон Республикæйы Сæргълæууæгимæ.

ЛУГАНСК

Луганскы Адæмон Республикæмæ æр-цæугæйæ, Республикæ Хуссар Ирыстоны Президент Бибылты Анатоли æмæ Луганскы Адæмон Республикæйы Сæргълæууæг Леонид Пасечник кæрæдзимæ радтой РХИ-йы æмæ Донецкы Адæмон Республикæйы ‘хсæн хæлардзинад, æмгуыстад æмæ кæрæдзийæн æххуысы тыххæй Сразыдзинады фæдыл ратификацион грамотатæ. Сразыдзинадыл къухтæ фыст æрцыдысты Цхинвалы 2018 азы.

Дыууæ бæстæйы сæргълæуджытæ сæ кæрæдзимæ ратификацион грамотатæ радтой Луганскы Адæмон Республикæ расидыныл фондз азы сæххæсты цытæн Луганскмæ, РХИ-йы Президенты визиты фæлгæтты.

Бибылты Анатоли æмæ Леонид Пасечник ма сæ къухтæ æрфыстой, грамотатæ сæ кæрæ-дзийæн кæй радтой, уый тыххæй Суагъæйыл.

РХИ-йы Президент банысан кодта, зæгъгæ, сæ кæрæдзимæ ратификацион грамотатæ кæй радтой, уый нысан кæны стыр сразыдзинады куысты райдиан.

«Мæн ныфс ис, ацы сразыдзинад кæй адарддæр уыдзæн, махæн ис плæнттæ республикæты министрадтæ æмæ ведомствоты ‘хсæн сразыдзинæдтыл къухтæ æрфыссыны тыххæй», – загъта Бибылты Анатоли.

Уый банысан кодта, ахæм сразыдзинæдтыл къухтæ фыст кæй æрцыд, уый фадат кæй ратдзæн цардархайды æппæт здæхтыты ахастытæ рæзын кæнынæн республикæты адæмты хæрзиуæгæн.

Леонид Пасечник банысан кодта, зæгъгæ, кæрæдзимæ Бадзырды ратификацион грамотатæ радтын у ахсджиаг цау Луганскы Адæмон Республикæ æмæ Хуссар Ирыстонæн.

«Иумæ нæ суверенитет, æхсæнадæмон аренæйы нæ бынат хъахъхъæнгæйæ, мах ныфс-джынæй цæуæм дунеон банымадмæ. Ахæм æнтыстджын æхсæнпаддзахадон æмгуыстад республикæтæн дæтты демократийы институттæ æмæ экономикон потенциал рæзын кæ-нын æмæ афтæмæй æмбæстæгты царды æм-вæзад бæрзонддæр кæныны фадат, кæцы у махæн нæ сæйраг хæс», – банысан кодта Луганскы Адæмон Республикæйы Сæргълæууæг.

Бибылты Анатоли æмæ Леонид Пасечникы æвдисæнæй ма къухтæ фыст æрцыдысты РХИ æмæ Луганскы Адæмон Республикæйы ‘хсæн дипломатон ахастытæ сфидар кæныны тыххæй Сразыдзинадыл. Документыл сæ къухтæ æрфыстой Фæсарæйнаг хъуыддæгты министртæ Медойты Димитр æмæ Владислав Дейнего.

Республикæ Хуссар Ирыстоны

Президенты пресс-службæ

Comments are closed, but trackbacks and pingbacks are open.