Афтæ загъта æппæтдунейон мультимедион пресс-центр «Россия сегодня»-йы сæйраг редакторы хæдивæг Наталья Лосева, йæ мастер-кълассы, кæцы уагъд æрцыд Хуссар Ирыстоны паддзахадон университеты студенттæ æмæ ахуыргæнджытæн, проект «Sputnik-Pro»-йы фæлгæтты.

Лекцийы темæ уыдис: «Куыд дзурæм сæйрагдæр проблемæтыл, ног форматтæй пайда кæнгæйæ. Сомбонмæ бакаст». Лосева банысан кодта, зæгъгæ, ныры реалитæ бахынцгæйæ, дзыллон информацийы фæрæзтæн йæ сæйраг хæс у, канд информаци саразын нæ, фæлæ ма йæ аудиторийы æхсæн апарахат кæнын, уый та, нæдæр сæйраг редакторы хæс у, нæдæр пиар кæнджыты, фæлæ у сæрмагондæй алы журналистæн дæр йæхи хæс.

Æрдзырдта æхсæнадон темæйыл, зæгъгæ, бирæтæ раст нæ хъуыды кæнынц нырыккон æппæтдунеон кризисы уавæры, уыцы темæ цымыдисон кæй нал у, фæлæ уый афтæ нæу. Ам сæйрагдæр у, цы хуызы йæ радæттай, уый, зæгъæм, дæлкастты хуызы. Ам ма цæвиттонæн æрхаста «Россия сегодня»-йы организацион арæзт, æхсæна-дон, культурон æмæ историон проекттæ.

Наталья Лосева ма радзырдта журналистикæйы ног тенденциты тыххæй, зæгъгæ, тагъд уыдзæн техникон революцийы ног фæндзæм, уылæн æмæ информаци æнкъарыны фæрæз, ома, техникæ, цæхгæр фæивдзæн æмæ уæд журналистикæйы дæр æрцæудзæн стыр ивындзинæдтæ.

Мадзалы хайадисджытæ стыр цымыдисæй фарстой уазæджы æмæ лæмбынæг хъуыстой йæ арф дзуаппытæм. Фембæлд адарддæр кодта Ирыстоны масс-медиайы минæвæрттимæ рабадт дискуссийы фæлгæтты. Ныхас цыдис цы-мыдисон темæйыл: «Куыд ориентаци кæнæм уыййас æбæлвырд, хатгай та „фейк“ инфор-мацийы, ахæм „историон“ рæстæджы цæргæйæ?».

САНАХЪОТЫ Аннæ

Comments are closed, but trackbacks and pingbacks are open.