Паддзахадон унитарон куыстуат «Кондадон баиугæнд «Югосетнефтепродукт» хыгъд сарæзта 2020 азы хæдзарадон-экономикон архайады фæстиуджыты тыххæй.

Экономикон рæзты министрады информацимæ гæсгæ, куыстуат фæфылдæр кодта æфтиаг, уый размæ хыгъдон рæстæгимæ абаргæйæ, 20 хатты.

«Паддзахадон унитарон куыстуаты архайды нысæнттæ сты нефтепродукттæ амал кæнын, æфснайын æмæ реализаци кæнын, социалон-экономикон заказтæ æххæст кæныны фæдыл лæггæдтæ бакæнын, æхсæнадон домындзинæдтæ æххæст кæнын, æмæ, кæй зæгъын æй хъæуы, æфтиаг райсын, кæцытæ 2020 азы æнтыстджынæй æххæст æрцыдысты. Абарынæн: 2019 азы куыстуаты æфтиаг уыд 2 милуан 113 мин сомы, 2020 азы та 20 милуан 561 мин сомы.

«Югосетнефтепродукт» фæстаг азты дæргъы фыццаг хатт рацыд æфтиаджы ахæм бæрæггæнтæм,  пандемиимæ баст зын уавæрмæ нæ кæсгæйæ. 2019 азимæ абаргæйæ, æфтиаг фæфылдæр ис 18 милуан 448 мин сомы, къазнамæ та æрбацыд 5 милуан 769 мин сомы. Ацы аз дæр куыстуат фæнд кæны æвæрццаг финансон фæстиуæг равдисын», — загъта Хицауады Сæрдары хæдивæг — Экономикон рæзты министр Тадтаты Дзамболат.

Уый ма банысан кодта, зæгъгæ, Министрад дарддæр дæр кусдзæн республикæйы паддзахадон унитарон куыстæтты куыст оптимизаци кæныныл.

«Паддзахадон унитарон куыстуæтты куысты эффективондзинады сæйраг æвдисæнтæм хауынц æфтиаг æмæ рентабелондзинад. Алы куыстуат дæр хъуамæ хæсса æфтиаг. Министрады дарддæр цæуы куыст финансон-хæдзарадон архайдæн аргъ скæнын æмæ анализ кæныныл, куыстуæтты рентабелондзинад фæбæрзонддæр кæныны фæндæгтæ ссаргæйæ, кæцытæн ис æфтиаджы рæзты æмæ куыстуаты рæзты æмбæхст резервтæ», — банысан кодта Тадтаты Дзамболат.

Comments are closed, but trackbacks and pingbacks are open.